Baki
Baki nyaéta parabot hampang nu dirarancang pikeun mawa barang. Ari dijieunna baheula mah tina rupa-rupa bahan, kaasup pérak, kuningan, lambaran beusi, triplék, kai, mélamin, jeung tiragaji. Ari baki anu murah mah dijieunna tina tiragaji nu dipadetkeun, ogé tina mélamin anu biasana dipaké di réstoran, warung kopi, jeung sajabana. Lamun baki nu biasa dipaké di imah-imah mah nyaéta baki nu jieun tina kai jeung palastik. Mun nu pangmahalna dijieun tina kuningan jeung pérak, dipakéna mun baheula keur mangsa karajaan mah di istina-istana raja, mun kiwari mah di hotél-hotél méwah. Sawatara baki aya nu aya ceulian aya ogé nu aya sukuan, aya ogé nu bolostrong baé wangunna buleud atawa pasagi panjang.[1] Ari baki wangunna datar, tapi mun diangkatkeun moal matak bahé atawa ngalalésér barangbawaanna téh. Kiwari baki dijieun rupa-rupa bentukna, tapi anu nu ilahar kapanggih mah bentukna oval atawa pasagi, sakapeung mah sok rada jangkungan sisina sarta aya ceulian deuih, pikeun ngagampangkeun ka nu mawana.
Rupa-rupa baki
[édit | édit sumber]
- Baki palayan: ilaharna ieu baki rada deklok lebah tengahna nu datar, nu jangkungna mah sisina wungkul, aya ceulian pikeun ngagampangkeun mawa sarta bisa dibabawa nangtung jeung gampang ditanggeuy. Ieu dipaké pikeun layanan inuman jeung umumna boga fungsi minangka hiji pamerenah sisi méja.
- Baki réstoran: dipaké pikeun mawa barang di hiji réstoran. Ilaharna dijieun tina plastik atawa fiberglass.
- Baki tiragaji: baki nu dijieun tina tiragaji méh gampang didaurulangna sarta disadiakeun ku restoran kadaharan gancang, warung kopi ogé bioskop. Ieu baki dirancang pikeun tahan opat cangkireun.
- Baki bedah: dipaké pikeun mawa pakakas bedah, nu ieu baki téh wangunna pasagi dijieun tina stainless steel anti panas, stéril tanpa korosi.
- Baki sisikian: dipaké pikeun ngawadahan sisikian sayuran jeung tutuwuhan sejenna.[2] Ieu baki ogé dipaké pikeun ngawadahan pamotongan tutuwuhan. Baki sisikian dijieunna tina polystyrene atawa polythene. Ukuranana rupa-rupa nu paling umumna mah ukuran nu di Dénmark jeung Éropa.
- Baki fotografi: baki nu dipaké dina kagiatan cutak-citak dina dunya fotografi.
- Baki déntal: baki pikeun ngawadahan alat jeung bahan pikeun dokter huntu.
- Baki kuéh: dipaké pikeun masak rupa-rupa kadaharan dina oven, kaasup sayuran jeung daging kayaning daging hayam. Hal ieu ngamungkinkeun kadahran jadi bisa keuna ku hawa panas di jero oven sarta nyegah lééhan gajih tina kadaharan ragrag kana oven.
Galéri
[édit | édit sumber]-
Baki palastik -
Baki sisikian anu geus dieusian taneuh jeung binih pepelakanna geus jaradi sawaréh -
Baki tiragaji anu diprés sangkan bisa didaur ulang, wangunna kawas kertas karton -
Baki paragi kainuman nu geus dicitak
Rujukan
[édit | édit sumber]- ↑ Sasmita, Mamat; - (2022). Mengenal Teknologi Tradisional Orang Sunda. Jakarta: Dunia Pustaka Jaya. p. 95. ISBN 9786232218314.
- ↑ Use of seed trays