Pérépét jéngkol

Ti Wikipédia Sunda, énsiklopédi bébas
Loncat ke navigasi Loncat ke pencarian


taacan kapariksa manawi saralah

Pérépét jéngkol nyaéta kaulinan bari kakawihan jeung nyangkedkeun unggal suku sabeulah, terus puputeran teu meunang leupas.

Nu maenna 3-5 urang, gerakanana engkle bari muter, biasana dipaenkeunna di buruan imah atawa di sakolaan. Ieu kaulinan bisa jadi lomba mun dipaenkeun ku sababaraha kelompok. Tiap-tiap kelompok kudu mertahankeun ulah nepi ka leupas si kakaitan suku teh. Nu meunang nyaéta nu bisa nahan/ lila teu leupas-leupas.

Maenna, tiap-tiap budak milih kelompokna, tuluy patukang-tukang bari pacekel-cekel leungeun, salajéngna suku kenca atawa suku katuhu éta budak dikaitkeun kana leungeun nu keur pacekel-cekel téa, disusul deui ku suku budak nu séjén, budak nu pamungkasngaitkeun suku kudu bari ngonci suku-suku nu séjén, meh teu gancang leupas. Sanggeus dikonci, tuluy leungeun barudak nu pacekel-cekel dileupaskeun. satuluyna engkle bari muter, salian ti muter bari emprak jeung ngawih. Ngawihna kieu: "Perepet jengkol jajahean,kadempet kohkol jejeretean". Mun di antara budak, sukuna aya nu leupas, nya lasut, sedengkeun nu masih kuat mah nya dituluykeun. Mun kabeneran aya kénéh sababaha kelompok nu kuat, kelompok-kelompok éta patubruk-tubruk; sing saha nu teu bisa nahan tuluy labuh, éta nu éléh.

Kieu kawihna: Perepet jeung kol Laras: Salendro, Surupan 1 = Barang

2 1 5 1 2 1 5 1 1 2 1 5 1 2 2 1 5 1 1 pe re pet jeung kol ja ja he an ka dem pet koh kol je je re te an


Arjuna Wayang.jpg