Pérépét jéngkol
Pérépét jéngkol nyaéta kaulinan lalaki bari kakawihan jeung nyangkedkeun unggal suku sabeulah, terus puputeran teu meunang leupas.[1] Nu maenna 3-5 urang, gerakanana engkle bari muter, biasana dipaenkeunna di buruan imah atawa di sakolaan.[1] Ieu kaulinan bisa jadi lomba mun dipaenkeun ku sababaraha kelompok.[1] Tiap-tiap kelompok kudu mertahankeun ulah nepi ka leupas si kakaitan suku teh.[1] Nu meunang nyaéta nu bisa nahan/ lila teu leupas-leupas.[1][2]
Maenna, tiap-tiap budak milih kelompokna, tuluy patukang-tukang bari pacekel-cekel leungeun, salajéngna suku kénca atawa suku katuhu éta budak dikaitkeun kana leungeun nu keur pacekel-cekel téa, disusul deui ku suku budak nu séjén, budak nu pamungkasngaitkeun suku kudu bari ngonci suku-suku nu séjén, meh teu gancang leupas.[1] Sanggeus dikonci, tuluy leungeun barudak nu pacekel-cekel dileupaskeun. satuluyna engkle bari muter, salian ti muter bari emprak jeung ngawih. Ngawihna kieu: "Pérépét jéngkol jajahéan,kadémpét kohkol jéjérétéan".[1] Mun di antara budak, sukuna aya nu leupas, nya lasut, sedengkeun nu masih kuat mah nya dituluykeun.[1] Mun kabeneran aya kénéh sababaha kelompok nu kuat, kelompok-kelompok éta patubruk-tubruk; sing saha nu teu bisa nahan tuluy labuh, éta nu éléh.[1]
Kawih Pérépét Jéngkol
[édit | édit sumber]Kieu kawihna: Pérépét jéngkol
Laras: Saléndro,
Surupan 1 = Barang
2 1 5 1 2 1 5 1 1 2 1 5 1 2 2 1 5 1 1
pé ré pét jéng kol ja ja hé an ka dem pét koh kol jé jé ré té an
Mangfaat Pérépét Jéngkol
[édit | édit sumber]Kaulinan Pérépét Jéngkol miboga manfaat , diantarana :
- Ngalatih kasaimbangan.
- Ngalatih Kakompakan.
- Ngalatih kakuatan Suku.
- Ngalatih kapinteran angkan suku pamaén teu babari leupas méh teu gampang labuh.
- Ngalatih Kalincahan, sabab pamaén kudu bisa gagajlengan bari puputeran.[1]
Daftar Referensi
[édit | édit sumber]- ↑ a b c d e f g h i j "Perepet Jengkol, Permainan Tradisional Jawa Barat". Informasi Budaya Jawa (dalam id-ID). Diakses tanggal 2019-11-23.
- ↑ Suwondo, Dodo (2018). Pangajaran Basa Jeung Sastra Sunda: Panuyun Sangkan Bisa Ngajarkeun Basa Suwondo. Jakarta: Penerbit Yayasan Miftahul Huda al-Musri (MHM). p. 79. ISBN 9786025069314. Disungsi20 Mei 2024
|
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |