Pandan

Ti Wikipédia, énsiklopédia bébas
Luncat ka: pituduh, sungsi
Pandan (Pandanus)
Pandanus utilis jeung buahna nu ngagantél.
Klasifikasi ilmiah
Karajaan: Plantae
Divisi: Magnoliophyta
Kelas: Liliopsida
Order: Pandanales
Kulawarga: Pandanaceae
Génus: Pandanus
Parkinson

Pandan nyaéta rupa tangkal monokotil tina genus Pandanus.[1] Tangkalna jangkung aya nu nepi ka 11 m.[1] Watangna lempeng, buleud, régangna monopodial.[1] Daunna nunggal, lansét, sisina régé-régé, tungtungna seukeut, tulangna sajajar, panjangna 75 nepi ka 90 senti, lebarna 3-5 senti, warnana héjo.[1] Pandan nyaéta jenis tutuwuhan anu geus lila dimangpaatkeun ku masarakat Indonesia pikeun rupa-rupa kaperluan, ti mimiti pikeun bungbu dapur, bahan ubar, nepi ka kaperluan acara agama.[2]
Jenis pandan anu mindeng dipaké pikeun bahan baku nyieun samak nyaéta Pandanus tectorius, P. odoratissimus, P. dubius sarta P.furcatus.[2] Cacak sapanjang sisi daunna cucukan, tapi jenis ieu mah liat sarta teu babari pites alatan serat trakeidna panjang.[2] Pandan seungit (P.amaryllifolius) mangrupa hiji-hijina pandan anu miboga daun anu seungit sarta miboga hasiat pikeun dijadikeun ubar.[2] Pandanin nyaéta senyawa anu diékstrak tina pandan seungit ieu miboga hasiat minangka antivirus ka virus anu narajang manusa, contona virus herpés sarta virus influenza.[2] Aya sawatara jenis pandan anu geus dipaké minangka pepelakan hiasan alatan miboga wangun unik atawa ahéng, diantarana P. dubius, P.tectorius cv sanderi, P. spurius cv putat, sarta P. utilis.[2]

Jenis Pandan[édit | édit sumber]

Saeutikna aya 600 jenis pandan Di sakuliah dunya, di antarana nyaéta:[3]

  1. Pandan wangi (Pandanus ammaryllifolius)[3]
  2. Pandan Laut (Pandanus tectorius).[3]
  3. Pandan cucuk.[3]
  4. Buah Beureum Papua (Pandanus conoideus).[3]
  5. Pandan Mulintir (Pandanus utilis).[3]
  6. Pandan Bodas (Pandanus baphtisii).[3]
  7. Pandan Afrika (Pandanus pygmeus).[3]

Manfaat[édit | édit sumber]

Sababaraha jenis pandan kapaké pikeun kahirupan manusa:[3]

  • Pandan seungit dauna dipaké pikeun nyeungitkeun jeung ngawarnaan dahareun, ogé komponén dekorasi jeung panyeungit hawa.[3]
  • Pandan cucuk, daun nu digaringkeun dipaké pikeun bahan baku anyaman, boh keur samak atawa topi pandan.[3]
  • Buah Beureum, Ti Pulo Papua anu buahna dipikawanoh minangka ubar atawa suplemén anu nyéhatkeun awak.[3]

Referensi[édit | édit sumber]

  1. a b c d Pandan (id) (Diakses ping 31 Oktober 2011)
  2. a b c d e f Pandan (id) (Diakses ping 31 Oktober 2011)
  3. a b c d e f g h i j k l (id)Jenis-jenis Pandan