Papantunan
 |
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. Tag ieu dibéré dina Pébruari 2016 |
Papantunan nyaéta salah sahiji wanda lagu dina tembang Cianjuran.[rujukan?] Ieu wanda asalna tina kasenian Pantun, anu dimekarkeun ku cara dilagukeun.[rujukan?] Ahirna, ieu wanda tembang téh disebut papantunan.[1] Rumpaka tembang Cianjuran wanda papantunan loba diadaptasi tina carita pantun Mundinglaya Dikusumah. Tembang Sunda wanda papantunan miboga ciri has anu ngadeg mandiri.[rujukan?] Ieu hal ngabédakeun wanda papantunan jeung wanda séjénna, saperti jejemplangan, rarancagan, dedegungan, kakawén, mangu-mangu, jeung panambih.[2]
Ciri Mandiri Tembang Cianjuran Wanda Papantunan
[édit | édit sumber]- Wangun rumpakana teu kauger ku aturan pupuh, tapi dina sapada aya 8 padalisan, anu masing-masing padalisanana ngawengku 8 engang.[rujukan?]
- Nada (genta) anu dominan nyaéta barang (da), kenong (mi), jeung galimer (la).[rujukan?]
- Laras anu dipaké ngan laras pélog wungkul.[rujukan?]
- Cara nabeuh waditrana bisa ku cara nuturkeun nu nembang atawa dikemrprang 3 nada dominan (da, mi, jeung la).[rujukan?]
- Iramana merdika kalawan watek lagu anu daria jeung suci atawa hidmat ku unsur-unsur religi.[rujukan?]
- Reureueus anu dipaké nyaéta haleuang, gedag, eur-eur, getet, téngkép, pepentogan, beubeut, betrik atawa ceuklek, jeung gesoh.[rujukan?]
- Tarik-halonna sora "dipegeg" atawa ditahan (henteu dibébaskeun).[rujukan?]
Rujukan
[édit | édit sumber]- ↑ Rosidi, Ajip. 2000. Ensiklopoedi Sunda. Pustaka Jaya ISBN 979-419-259-7
- ↑ Hasan Su'eb, R. Ace. 1997. Wawasan Tembang Sunda. Bandung: Geger Sunten
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |