Peta Fra Mauro

Peta dunya karya Fra Mauro. Peta ngagambarkeun Asia, Afrika jeung Éropa .

Pidéo ti Pabukon Nasional Australia anu ngécéskeun pentingna ieu peta.

Gambar ti NASA dibandingkeun jeung peta Fra Mauro. Keur ukuran jaman harita, ieu peta akur kacida.

Peta Fra Mauro nyaéta peta dunya anu dijieun taun 1450-an ku kartograpis Italia Fra Mauro. Petana mangrupa planispér bunder anu digambar dina perkamén dipiguraan kai ukuran dua ka dua méter. Petana ngawengku Asia, Samudra Indonésia, Aprika, Éropa, jeung Atlantik. Sarupa jeung galibna jaman baheula, ieu peta nyanghareup kidul di luhur.

Peta dunya Fra Mauro dianggap karya kartografis anu penting. Nyieunna méakkeun waktu sataun sarta méakkeun biaya anu gedé. Ieu peta ngandung ratusan ilustrasi rinci sarta leuwih ti 3000 téks pedaran, pang jéntréna jeung pang akuratna jaman harita. Ku kituna, peta Fra Mauro dianggap salasahiji karya anu pang pentingna dina sajarah kartografi, sarta nandaan dipungkasna géografi dumasar Bibel di Éropah sarta mitembeyan cara anu leuwih ilmiah dina nyieun peta, ngaheulakeun akurasi batan kapercayaan agama atawa tradisi.

Anu nyieunna, Fra Mauro, rahib Camaldolese ti Pulo Murano deukeut Venice. Anjeunna digawékeun salaku akuntan jeung kartograper propésional. Petana dijieun dumasar paménta nu ngawasa Venice jeung Portugal, dua bangsa lulugu pelayaran jaman harita.

Petana biasana dipidangkeun di musieum Muséo Correr di Venice di Italia.

Tingali ogé

• Peta dunya kuno
• Umur Papanggihan

Tutumbu éksternal

• Peta Magnificent: Peta Fra Mauro World Archived 2020-02-21 di Wayback Machine ngamungkinkeun anjeun ngajalajah 1804 salinan di Perpustakaan Inggris. Fitur zum jero, detil anu disorot. Pidéo pidéo ti Pemetaan Pemetaan Antiquarian.
• Cartographic-Images.net: Fra Mauro's Mappamundi Monograph dina peta Fra Mauro.
• Transkrip téks dina peta (.pdf) Dina basa Italia. Ku Piero Falchetta.
• Biblioteca Nazionale Marciana di Venezia Dina basa Itali. Inpormasi ngeunaan peta ayeuna.

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.