Trombosit

Ti Wikipédia Sunda, énsiklopédi bébas
(dialihkeun ti Platélét)
Conto pelepasan trombosit dina megakaryocytes dewasa. Dina rekaman ieu, urang tiasa niténan formasi sareng pelepasan spontan tina trombosit (sél getih bentukna buleud leutik).

Trombosit atawa platélét nyaéta bagian sél getih nu aub dina mékanisme sélular nu ngabalukarkeun bekuna getih. Kadar trombosit nu handapeun normal atawa disfungsina bisa ngabalukarkeun hemorrhage, sedengkeun mun luhur teuing bisa ngabaluKarkeun trombosis.

Anatomi[édit | édit sumber]

Kawas sél getih beureum, trombosit teu boga inti sarta bentukna gepéng; diaméterna 1.5-3.0 μm. Cadangan trombosit na awak urang saeutik pisan, antukna gampang pisan kakurangan. Trombosit ngandung RNA, sistim kanalikular, sarta sababaraha tipe granul; lisosom (ngandung hidrolase asam), dense bodies (ngandung ADP, ATP, serotonin jeung kalsium) sarta granul alfa (ngandung fibrinogén, faktor V, vitronéktin, trombospondin jeung faktor von Willebrand), nu kandunganana dikaluarkeun nalika aktivasi trombosit. Eusi granul ieu maénkeun peran penting boh dina hémostasis atawa dina réspon inflamatori.

Fisiologi[édit | édit sumber]

Produksi[édit | édit sumber]

Trombosit dijieun dina sungsum tulang; sél progenitorna nyaéta mégakariosit. Produksi trombosit ieu dirangsang ku hormon trombopoiétin (ligan c-mpl) nu diproduksi ku ati. Hormon ieu kabeungkeut ku trombosit na sirkulasi; mun trombositna cukup, kadar sérumna tetep handap. Mun kadar trombositna ngurangan, trombopoiétinna bakal loba nu bébas dina getih, antukna ngaronjatkeun produksi sungsum.

Sirkulasi[édit | édit sumber]

Umur sirkulasi trombosit ukur 9-10 poé, nu lajeng diancurkeun dina limpa. Nurunna fungsi (atawa euweuhna) limpa bisa ningkatkeun kadar trombosit, sedengkeun hipersplénisme (limpa aktif teuing, misalna dina kasakit Gaucher atawa leukemia) ngabalukarkeun kurangna kadar trombosit.

Transfusi[édit | édit sumber]

Trombosit dipisahkeun tina getih nu didonorkeun, sabab trombosit gampang ruksak nalika getih disimpen dina kulkas. Ku kituna, trombosit mah disimpenna misah ngagunakeun kantong nu aya porian antukna nu ngamungkinkeun sirkulasi oksigén (asup) jeung karbon dioksida (kaluar), dina suhu antara 20-24 °C. ku sabab dina suhu ieu aya résiko tumuwuhna baktéri, mangka paling lila disimpenna téh ukur lima poé.

Jalma nu kadar trombositna kurang bisa ditatambaan ku transfusi trombosit, iwal mun pantangan alatan kalainan otoimun.

Baca ogé[édit | édit sumber]

Sumber rujukan[édit | édit sumber]

  • Thrombocyte, Wikipédia édisi basa Inggris per 21 Nopémber 2005
Artikel ieu keur dikeureuyeuh, ditarjamahkeun tina basa Inggris.
Bantuanna didagoan pikeun narjamahkeun.


Sistem kardiovaskular - Getih
Sél getih beureum - Sél getih bodas - Platélét - Plasma getih - Sél stém hémopoiétik pluripoténsial
Sél getih bodas
Granulosit (Granulosit Neutrofil, Granulosit éosinofil, Granulosit basofil) - Limfosit - Monosit
Koagulasi
Faktor koagulasi: - Fibrin (I) - (Pro)trombin (II) - FV - FVII - FVIII - FIX - FX - FXI - FXII - FXIII - HMWK - vWF - Faktor jaringan
Inhibitor: Antitrombin - Protéin C - Protéin S - Protéin Z - ZPI - TFPI
Fibrinolisis: Plasmin - tPA/urokinase - PAI-1/2 - α2-AP - TAFI