Pustaka Rajyarajya i Bhumi Nusantara

Pustaka Rajyarajya i Bhumi Nusantara (salajengna disingkat PRBN) mangrupa judul naskah/pustaka nu ceuk dadaran di jerona disusun ku Panitia Wangsakerta di Cirebon taun 1599-1620 Saka (1677-1698 M). Pustaka ieu ngadadarkeun sajarah karajaan-karajaan di Nusantara, ti mangsa-mangsa awal nepi ka mangsa dijieunna éta naskah, nyaéta sanggeus datangna VOC ka Nusantara.

Pamuka

Naskah PRBN mimiti kapanggih nalika taun 1970-an, Aca (ahli sajarah Sunda) nyusud naskah Purwaka Caruban Nagari nu ditulis ku Pangéran Arya Cirebon taun 1720. Dina naskah éta disebutkeun yén Pustaka Caruban Nagari téh disusun dumasar Nagarakretabhumi, hiji pustaka nu disusun ku Panitia Wangsakerta. Sanggeus naskah Negarakretabhumi kapanggih (5 jilid), kasusud deui yén ieu pustaka téh, di antarana, ngarujuk ka PRBN. Hasil nyusud, sababaraha naskah PRBN kapendak di Jakarta, Palémbang, jeung Balikpapan.

Pustaka sajarah Nusantara

PRBN ditulis migunakeun basa Jawa Kuna dialék Cirebon jeung aksara Jawa (Cacarakan). Dina PRBN disebutkeun ngeunaan prosés disusunna éta pustaka (jeung pustaka-pustaka lianna nu can kapanggih), nyaéta hasil gotrasawala para ahli sajarah ti 70-an wewengkon: ti Tumasik nepi ka Maluku, ti Brunéi nepi ka Madura.

Eusi

PRBN dibagi kana lima "parwa" (bab), nu masing-masing boga judul:

Pustaka Kathosana Rajyarajya i Bhumi Nusantara
Pustaka Rajyawarnana Rajyarajya i Bhumi Nusantara
Pustaka Kertajaya Rajyarajya i Bhumi NUsantara
Pustaka Rajakawasa Rajyarajya i Bhumi Nusantara
Pustaka Nanaprakara Rajyarajya i Bhumi Nusantara

Rujukan

Ayatrohaédi. 2005. Sundakala: cuplikan sejarah Sunda berdasarkan naskah-naskah "Panitia Wangsakerta" Cirebon. Pustaka Jaya, Jakarta. ISBN 979-419-330-5
Édi S. Ékajati. 2005. Polemik Naskah Pangeran Wangsakerta. Pustaka Jaya, Jakarta. ISBN 979-419-329-1

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.