Robert Kubica

Ti Wikipédia Sunda, énsiklopédi bébas


Robert Kubica di Warsawa, Polandia taun 2006.

Robert Józef Kubica (pangecapan Ku-bit-sa dina IPA) (babar 7 Desember 1984 di Krakow, Polandia)[1] nyaéta saurang tukang balap Formula 1 anu asalna ti Polandia. Dirina mangrupa tukang balap Polandia munggaran tur hiji-hijina di Formula 1 nepi ka ayeuna.

Profil[édit | édit sumber]

Dirina ngamimitian debut Formula 1 di balapan GP Hungaria 2006 ngagentos tukang balap senior Jacques Villeneuve di tim BMW-Sauber. Lajeng ti dinya, Kubica meunang posisi podium di GP Italia, di mana dirina finish ka-3 di tukangeun si legenda hirup Michael Schumacher sareng Kimi Raikkonen.

Dina taun 2007, Kubica dipercanten ku tim BMW janten tukang balap utama tim sareng Nick Heidfeld. Salami musim 2007 lumangsung, Kubica konsisten finish jeung ngahasilkeun poin pikeun tim.

Dina taun 2008 ieu, Kubica nyatet sajarah, janten tukang balap Polandia munggaran anu kenging pole position di balapan GP Bahrain. Salian ti dinya, Kubica ogé finish runner-up di GP Malaysia.

Data diri[édit | édit sumber]

  • Nami: Robert Kubica
  • Tempat, Tanggal Babar: Krakow, Polandia, 7 Désémber 1984
  • Status: Bujangan
  • Luhur: 184 cm
  • Beurat: 73 kg
  • Mimiti Balapan: Hungaria 2006 (sareng BMW-Sauber)

Statistik[édit | édit sumber]

  • 2005, Renault F1 – pembalap panguji
  • 2006, BMW-Sauber – Pembalap, finish ka tilu di GP Italia 2006
  • 2007, BMW-Sauber
  • 2008, BMW-Sauber, posisi ka-3.
  • 2009, BMW-Sauber
  • 2010, Renault.

Referensi[édit | édit sumber]

  1. "Robert Kubica". www.fakt.pl. Diakses tanggal 2019-05-17. 

Tumbu kaluar[édit | édit sumber]