Rutaceae

Ti Wikipédia Sunda, énsiklopédi bébas
Kulawarga Sitrus
Klasifikasi ilmiah
Karajaan:
Divisi:
Kelas:
Ordo:
Kulawarga:
Rutaceae

Rutacéae nyaéta salah sahiji kulawarg tutuwuhan tina ordo Sapindales nu aya dina kelompok utama Angiospermae (Tutuwuhan kembangan).[1][2] Rutacéae mangrupa tutuwuhan hérba, semak, jeung tatangkalan nu miboga kelenjar barelang, umumna bau jujukutan.[3] Kulawarga ieu diwangun ku antara 150 genus jeung 1.500 spésiés nu dicirian ku ayana loba cucuk jeung tangkai nu jangjangan.[3] Kulawarga ieu miboga daun alternatif atawa sabalikna, sederhana atawa wangun palma atawa daun pinatel,atawa kadang-kadang garedé atawa leleuitik wangun cucuk; stipula henteu boga.[3] Kembangna sok miboga seungit amis, hampir sok biséksual, jeung actinomorfik atawa kadang-kadang zygomorfik.[3] Kembang ieu diatur keur penyerbukan, nu diurus ku gegeremet kawas laleur leutik atawa odéng.[2] Kembang-kembang miboga warna nu jelas, aromatik jeung miboga néktar.[2] Buah tina ieu kulawarga rupa rupa, misalna kapsul (genus Ruta), folikel (Zanthoxylum), drupes (Amyris), béri (Triphasia), samaras (tangkal hop), jeung shizocarps (Helietta).[2] Buah jeruk sabanerna mangrupa béri nu dimodifikasi.[2] Kulawarga ieu penting pikeun sajumlah gedé tutuwuhan hias jeung dahareun.[4] Loba vareitas na nu dibudidayakeun kawas jeruk, lémo, atawa jeruk bali.[4] Loba varietas asli nu dibudidayakeun salaku tutuwuhan hias, hususna spésiés Boronia, Crowéa, Eriostemon, Phebalium jeung Corréa.[4]

Referensi[édit | édit sumber]

  1. (en)Rutaceae Archived 2013-09-09 di Wayback Machine (diakses 11 Maret 2016)
  2. a b c d e (en)Rutaceae family Archived 2008-12-03 di Wayback Machine (diakses 11 Maret 2016)
  3. a b c d (en)Rut family (diakses 11 Maret 2016)
  4. a b c (en)Rutaceae (diakses 11 Maret 2016)