Sarbini Sumawinata
Sarbini Sumawinata (gumelar di Madiun, Jawa Wétan, 20 Agustus 1918 - 13 Maret 2007)[1] manéhna nyaéta salah saurang ékonom asal Sunda jeung guru besar Fakultas Ékonomi Universitas Indonesia.[2] Salila manéhna hirup jadi ékonom, loba pisan meré mangpaat ka nagara salah sahijina dina taun 1965 pernah ngawanohkeun konsép pangwangunan ékonomi ka Jénderal Soeharto anu basa harita masih ngajabat jadi Panglima Komando Strategi jeung Usulan (KOSTRAD).[2] Konsép anu dipikawanoh ku manéhna ieu, bakal ngahasilkeun kaayaan perékonomian anu leuwih maju di Indonésia ti basa mimiti pamaréntahan Orde Anyar.[2]
Atikan[édit | édit sumber]
Sarbini Sumawinata kungsi sakola di HIS Madiun taun 1932, MULO Madiun taun 1936, AMS-B Yogyakarta taun 1939 anu kiwari ngarana SMA Negeri 3 Yogyakarta. Manéhna ogé kungsi ngalaman kuliah di THS (Technische Hoogeschool te Bandoeng) anu kiwari jadi ITB (Institut Teknologi Bandung) tapi henteu lila bada harita manéhna kudu balik ka kota Madiun lantaran basa harita Bandung keur diserang ku tangtara NICA.[3] Saprak manéhna balik ti Bandung ka Madiun, manéhna ogé kungsi kuliah di Sakola Tehnik Yogyakarta taun 1947 anu kiwari jadi Fakultas Teknik Universitas Gadjah Mada.[3] Manéhna kuliah di dinya sarua teu tamat, tapi manéhna gawe dina bagéan perencanaan Kementerian Kemakmuran basa pamaréntahan Indonésia aya di daerah Yogjakarta.[3] Sarbini ogé kungsi diajar élmu-élmu kiwari di Nagara Walanda lantaran dirékomendasikeun ku Sumitro Djojohadikusumo anu basa harita mancén jadi menteri perdagangan.[3] Sabada harita, manéhna indit ka Amérika Serikat nuluykeun kuliahna nepi ka meunang gelar master di Universitas Harvard Massachussets.[3] Manéhna ogé kungsi indit ka Kanada keur diajar élmu statistika.[3] Teu kungsi taun 1955, Sarbini dititah balik ka Indonésia ku pamaréntah.[3]
Pamikiran-Pamikiran[édit | édit sumber]
Pamikiran-pamikiran Sarbini dina widang ékonomi ngabogaan ciri pamikiran anu hérang tur objéktif atawa ninggali kaayaan anu sabenerna.[3] Manéhna lamun medarkeun pamadegan atawa pamikiran osok terus terang, pok-pokan, teu loba basa basi padahal lamun ditinggali kana umurna anu geus 80-an.[3] Sarbini boga pamikiran kawas kitu lantaran ti leleutik geus diatik jeung dididik ku nu jadi bapana anu urang Sumedang.[3] Ku lantaran kitu, Sarbini anu urang Sunda lahir di Jawa ngabogaan ciri ngomong anu saaya-aya kawas basa ngébréhkeun pasoalan-pasoalan ékonomi basa jaman Presiden Mégawati anu ceuk manéhna éta presiden moal bisa ngabébérés tur ngabebenah pasoalan ékonomi basa harita ku cukang lantaranna pangabisa Mégawati kurang dina politisna, pangaweruhna, jeung kapamimpinanna.[3]
Rujukan[édit | édit sumber]
- ↑ Indonesia, Tokoh. "Sarbini Sumawinata". TOKOH INDONESIA | TokohIndonesia.com | Tokoh.id (dalam en-US). Diakses tanggal 2021-12-17.
- ↑ a b c "Sarbini Sumawinata | P2K - UNUGHA | Ensiklopedia Dunia". p2k.unugha.ac.id. Diakses tanggal 2021-12-17.
- ↑ a b c d e f g h i j k Rosidi, Ajip (2003-12-01). Apa Siapa Orang Sunda (dalam Indonesian). Dunia Pustaka Jaya. ISBN 978-979-419-980-0.