Sasak Akashi Kaikyō
Sasak Akashi Kaikyō 明石海峡大橋 | |
|---|---|
 Sasak Akashi Kaikyō ti luhur, Désémber 2005 | |
| Koordinat | 34°36′58″N 135°01′14″E / 34.6162°N 135.0205°EKoordinat: 34°36′58″N 135°01′14″E / 34.6162°N 135.0205°E |
| Diliwatan | Genep lajur ti Jalan Raya Kilat Kobe-Awaji-Naruto  jeung opat lajur darurat |
| Meuntasan | Selat Akashi[1] |
| Wewengkon | Pulo Awaji jeung Kobe[1] |
| Ngaran lian | Sasak Mutiara[2] |
| Dikelola ku | Pausahaan Kabates Jalan Raya Kilat Sasak Honshu-Shikoku (JB Honshi Kōsoku) |
| Karakteristik | |
| Desain | Sasak gantung[1] |
| Panjang kasaluruhan | 3.911 méter |
| Luhur | 282,8 méter (pilon)[1] |
| Bentang pangpanjangna | 1.991 méter[1] |
| Rohangan bébas handap | 65,72 méter |
| Sajarah | |
| Desainer | Satoshi Kashima |
| Mimiti konstruksi | 1988[1] |
| Réngsé konstruksi | 1998[1] |
| Dibuka | 5 April 1998 |
| Statistik | |
| Tarif | ¥2.300 |
  Sasak Akashi Kaikyō Location in Japan | |
Sasak Akashi Kaikyō (明石海峡大橋 Akashi Kaikyō Ōhashi?) nyaéta sasak gantung nu ngahubungkeun dayeuh Kobe di daratan Jepang, Honshu, ka Iwaya di Pulo Awaji. Ieu sasak meuntasan Selat Akashi nu sibuk (Akashi Kaikyō dina basa Jepang) nu jadi bagéan Jalan Bébas Hambatan Honshu–Shikoku. Ieu sasak réngsé diwangun dina taun 1998[1] jeung jadi sasak gantung nu miboga bentang tengah pangpanjangna di dunya,[3] nyaéta panjangna 1.991 méter. Ieu sasak mangrupa salah sahiji panghubung utama ti Proyék Sasak Honshū–Shikoku, nu ngawangun tilu rute meuntasan Laut Padalaman.
Sajarah
[édit | édit sumber]Saacan Sasak Akashi Kaikyō diwangun, panumpang nu meuntas Selat Akashi di Jepang diangkut ku kapal féri. Ieu jalan cai téh baya ku sabab sering aya badai nu parah, jeung dina taun 1955 dua kapal féri tikelelep di ieu selat pas aya badai, nyababken 168 jelema tilar dunya. Kareuwasan jeung kaambekan masarakat saanggeus ieu bencana ngayakinkeun pamaréntah Jepang pikeun ngembangkeun rencana ngawangun sasak nu meuntasan ieu selat. Rencana mimitina nyaéta sasak gabungan ti jalan jeung jalur karéta, tapi pas pangwangunan ieu sasak dina April 1988, konstruksina kabates jadi jalan hungkul nu ngamuat genep lajur. Pangwangunan nu sabenerna teu dimimitian nepi ka Mei 1988 jeung ngalibatkeun leuwih ti 100 kontraktor.[4] Ieu sasak dibuka pikeun lalu lintas ping 5 April 1998 dina upacara paresmian ku Kaisar Naruhito jeung pamajikanna, Permaisuri Masako, jeung Menteri Pangwangunan Tsutomu Kawara.[4]
Biaya
[édit | édit sumber]Biaya kasaluruhan pangwangunan ieu sasak nyaéta kira-kira ¥500 miliar atawa AS$3,6 miliar (numutkeun ka nilai tuker taun 1998).[4] Biaya ieu diharepkeun kalunasan ku cara ngabebankeun tarif ka pangandara nu meuntasan sasak. Tarifna nyaéta 2.300 yén jeung ieu sasak sapoéna diliwatan ku kira-kira 23.000 mobil.[2]
Rujukan
[édit | édit sumber]- ↑ a b c d e f g h Sasak Akashi Kaikyo di Structurae
- ↑ a b "Akashi Kaikyo Bridge, Akashi Strait, Japan". Road Traffic Technology. Diakses tanggal 23 Séptémber 2016. Archived 2016-10-02 di Wayback Machine
- ↑ Sasak Akashi-Kaikyo – HSBE
- ↑ a b c Cooper, James D. "World's Longest Suspension Bridge Opens in Japan". United States Department of Transportation – Federal Highway Administration. Diakses tanggal 14 Februari 2012.
Tutumbu luar
[édit | édit sumber] |
Wikimedia Commons mibanda média séjénna nu patali jeung Akashi-Kaikyo Bridge. |