Siluman

Ti Wikipédia Sunda, énsiklopédi bébas

Siluman nyaéta mahluk goib mahluk halus anu cicingna dina hiji komunitas jeung nyicingan hiji tempat.Maranéhna ngalakukeun aktivitas sarua jiga manusa biasa.[1] Maranéhna ogé apal kana peradaban.[1] Siluman bisa asalna tina manusa biasa anu satuluyna ninggalkeun alam keusrak atawa sanggeus hiji jalma maot rohna asup ka éta masarakat, atawa émang geus mangrupa mahluk halus ti mimiti.[1] Perang antara manusa jeung siluman mindeng jadi bagéan carita-carita misteri anu loba dipikaresep ku jalma réa.[1]

Rupa-Rupa[édit | édit sumber]

Siluman miboga jenis atawa rupa-rupa siluman, lolobana siluman mangrupa sasatoan anu aya di alam manusa contona waé siluman oray, siluman ucing, siluman babi siluman lauk, jeung siluman sasatoan séjénna.Siluman ogé bisa mangrupa jadi manusa ilaharna genderewo, pernah di hiji daérah di Kalimantan aya hiji kulawarga anu ngungu lauk, ari pék téh lauk anu diinguna geningan mangrupa siluman lauk.[2] Siluman ilaharna jiga manusa miboga kulawarga miboga kahirupan nu sarua pisan jiga kahirupan manusa ngan béda alam jeung bédana ipis.[2] Siluman bisa ningali manusa tapi manusa teu bisa ningali siluman, sabab Gusti mah Maha Adil jeung wijaksana lamun manusa bisa ningali siluman tangtu hirupna moal tenang jeung moal genah tumaninah.[1] Siluman ogé aya nu bageur aya ogé nu jahat, anu ngan sabageur-bageurna siluman mun dibandingkeun jeung manusa mah jailna manusa cindekna najan siluman bageur tapi teu leuwih bageur ti batan manusa sabab siluman mah ilaharna sok ngaganggu manusa najan niatna alus mah rék ngabéjaan atawa rék méré nyaho yén aya manéhna tapi angger manusa mah sok sieun ku ayana ieu mahluk téh sabab jailna ngaleuleuwihi jin.[1] Tuluy siluman nu jahat biasana siluman nu moal kataékan jahatna ku manusa nepi ka ngaleuleuwihi manusa lamun dibandingkeun mah, tapi biasana siluman sok diperbudak atawa diingu ku manusa nu jahat pikeun nyilakakeun batur.[1]



Referensi[édit | édit sumber]

  1. a b c d e f g Wikanjati, Argo.2010.Kumpulan Kisah Nyata Hantu di 13 Kota.Yogyakarta:Penerbit Narasi
  2. a b Lee R. The Almost Complete Collection of True Singapore Ghost Stories. edisi 2. Singapura: Flame of the Forest, 1989.