Situs Cipari

Ti Wikipédia Sunda, énsiklopédi bébas


Situs Cipari, Cigugur, Kuningan mangrupa salah sahiji situs arkéologi di Tatar Sunda titinggal kaadaban mégalitikum. Titinggal di situs ieu mangrupa peti kubur nu dijieun tina lémpéngan-lémpéngan batu kawas papan nu loba kapanggih di sabudeureun éta situs.

Peti kubur di Cipari lolobana nyanghareup/manjang kulon-ngidul/wétan-ngalér, nu ngagambarkeun konsép kakuatan alam kayaning panonpoé jeung bulan, nu mangrupa cecepengan kabudayaan manusa nu hirup dina jaman mégalitikum. Dina peti kubur ieu teu kapanggih ayana sésa rorongkong manusa, tapi loba nyimpen bekel kubur (panalungtikan Puslit Arkenas ti taun 1972).

Peti kubur ieu sarupa gunana jeung peti kubur nu kapanggih di pulo Samosir, Bondowoso, Gianyar, jeung Sulawesi kalér.