Solat Witir
Solat Witir (Basa Arab: صلاة التوتر) nyaéta solat sunah anu dilaksanakeun ti peuting antara ba'da wanci solat isa nepi ka datangna wanci solat subuh, kalayan bilangan rakaat gangsal. Solat ieu dipidamel sabada ngalaksanakeun solat séjénna kayaning tarawéh, sareng tahajud. Ieu dumasar kana hiji hadis, yén solat witir dilaksanakeun ditungtung peuting anu dipilampah kalayan panungtungan solat wengi.[1] Runtuyan solat witir sarua kawas solat wajib biasa, nu dimimitian ku takbiratul ihram tuluy dipungkas ku salam.[2]
Niat solat witir
[édit | édit sumber]Dumasar katangtuan, solat witir dilaksanakeun tilu rokaat. Anapon dilaksanakeun munggaran dua rakaat dipungkas ku salam, tuluy ngadeg deui pikeun ngalaksanakan hiji rokaat deui di ahir, dipungkas ku salam. Pikeun niatna dibédakeun jadi dua, dumasar jumlah rokaatna. Niat solat witir digalindengkeun dina jero haté, nalika takbiratul ihram atawa nalika ngalisankeun kecap Allahu Akbar.[2]
Niat solat witir dua rokaat
[édit | édit sumber]ااُصَلِّى سُنَّةَ الْوِتْرِ رَكْعَتَيْنِ لِلَّهِ تَعاَلىَ
Dina aksara latén: ushallii sunnatal minal witri rak'ataini lillaahhi ta'aalaa.
Tarjamahan: Abdi niat solat sunah witir dua rokaat kalayan Allah ta'ala.[2]
Niat solat witir hiji rokaat
[édit | édit sumber]اُصَلِّى سُنَّةَ الوِتْرِ لِلهِ تَعَالَ
Dina aksara latén: ushallii sunnatal witri lillaahhi ta'aalaa.
Tarjamahan: Abdi niat solat sunat witir hiji rokaat kalayan Allah ta'ala.[2]
Kautamaan solat witir
[édit | édit sumber]Aya dua hadis nu medar ngeunaan kautamaan solat witir, anu bisa ngajadikeun pahala.
Hadis Riwayat Abu Dawud
[édit | édit sumber]Abu Daud ngariwayatkeun yén solat anu leuwih hadé tibatan unta merah nyaéta solat witir, anu diadegkeun di antara solat isa nepi ka panonpoé medal.[3]
Hadis Riwayat Bukhari jeung Muslim
[édit | édit sumber]Bukhari jeung Muslim ngariwayatkeun yén solat peuting anu jadi panungtungan dina sapoé nyaéta solat witir.[3]
Référénsi
[édit | édit sumber]- ↑ Nuraini, Tantiya Nimas. "Shalat Witir Adalah Shalat Penutup bagi Ibadah Malam, Ketahui Niat dan Tata Caranya". merdeka.com. Diakses tanggal 2022-04-24.
- ↑ a b c d Khussurur, Misbah. "TUNTUNAN SINGKAT SHALAT TARAWIH DAN SHALAT WITIR DI BULAN RAMADHAN" (PDF). Eprint Univeristas Nahdlatul Ulama Al Ghazali (UNUGHA) Cilacap Latest Additions. pp. 10–13. Diakses tanggal 2022-24-04.[tumbu nonaktif]
- ↑ a b Berita Terkini. "Keutamaan Sholat Witir dan Pentingnya Mengerjakan Sholat Witir". kumparan (dalam id-ID). Diakses tanggal 2022-04-24.