Sundung
Sundung nyaéta pakakas anu digunakeun pikeun ungkat angkut. Mawana ditanggung dikaitkeun kana rancatan béh hareup jeung tukangna. Aya ogé sundung nu dijieun langsung disambungkeun ku awi leunjeuran, jadi teu merlukeun deui rancatan. Hartina ieu sundung geus samakta teu bisa dilocotkeun pamanggulna kawas ngagunakeun rancatan. Ieu sundung wangunna jurutilu ngarubak dilebah handapna, dijieunna tina awi sok sanajan aya waé nu dijieun tina bahbiran kai. Dina hirup kumbuhna urang Sunda anu dumuk dipilemburan, ieu sundung téh masih dipaké utamana mah dina ngakutan jukut meunang ngarit atawa ngakut suluh nu geus dipilah-pilah.
Kagiatan mawa sundung téh tujuanna pikeun ngagampangkeun dina ukat-akut atawa barangbawa. Dibawa ka kebon jeung ka sawah atawa ka leuweung mun rék néangan suluh gararing mah. Ari barang nu diakut ku sundung tangtuna baé anu bisa diselapkeun kana éta sundung. Kawas jujukutan mah bisa diselapkeun kana sundung, malah mah sok nepika ngagunung alatan ku loba teuing, tapi da teu jadi masalah lantaran jukut mah hampang dipanggulna. Ari suluh mawana tinggal diéntépkeun nepi ka lolongkrang sundung téh kaeusian kabéh. Mun geus kaeusian kabéh bisa prak diakut.
-
Budak nu keur naék sundung -
Aki-aki mawa sundung jeung incuna
Tutumbu kaluar[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |