Susana
| Susana | |
|---|---|
 Susana taun 1963 | |
| Babar | Suzzanna Martha Frederika van Osch 13 Oktober 1942 Buitenzorg, Jawa Kulon, Hindia Walanda |
| Pupus | 15 Oktober 2008 (umur 66) Magelang, Jawa Tengah, Indonésia |
| Pagawéan | Aktris |
| Pasangan | Dicky Suprapto (pipirakan) Clift Sangra |
| Anak | Dicky Suprapto: Arie Adrianus Suprapto (1960 - 1977) Kiki Maria (1962) Clift Sangra: Rama Yohanes (adoption) (1994) |
Suzzanna Martha Frederika van Osch (leuwih dipikawanoh minangka Suzzanna; gumelar di Buitenzorg, Jawa Kulon, Hindia Walanda, 13 Oktober 1942 – tilar dunya di Magelang, Jawa Tengah, Indonésia, 15 Oktober 2008 dina umur 66 taun) nyaéta saurang aktris Indonésia teureuh campuran. Katelah minangka ratu pilem horor Indonésia, Susana ogé dipikawanoh utamana dina nu patalina jeung lelembutan, kayaning ruh, padukunan, jeung ngeunaan mahluk goib séjénna.
Biografi
[édit | édit sumber]Susana, nyaéta urang Indonésia teureuh Jawa-Manado-Jérman-Walanda, nu gumelar di Buitenzorg (kiwari Bogor), Jawa Kulon, tanggal 13 Oktober 1942.[1]
Susana naratas karik éktingna taun 1958, dina pilem suksés yasana Usmar Ismail nu judulna Tiga Dara (1956). Tuturut kana kasohorna éta pilem, loba organisasi mititi ngayakeun saémbara kawas "Tiga Dara"; Susana, nu pernah digedékeun di Magelang, meunangkeun hiji saémbara di Yogyakarta. Manéhna tuluy diperankeun dina pilem Ismail judulna Asrama Dara (1958),[1] nu mana manéhna jadi putri saurang pulitisi nu kudu cicing di imah kos.[2] Iklan pikeun ieu pilem némbongkeun yén Susana dina peranna, ngamangpaatkeun kasuksésan Tiga Dara nu saméméhna téa ku ngagembar-gemborkeunna minangka panerus Indriati Iskak.[3] Pintonan Susana ditampa kalawan hadé ku halayak, jeung dina taun 1960 Susana dilélér jadi Best Child Actress Award di Asian Film Festival; Susana ogé dilélée di Féstival Film Indonésia taun 1960.[1]
Manjing pertengahan taun 1960-an Susana dikawin jeung Dicky Suprapto nu sarua saurang aktor. Taun 1965, maranéhna ngadegkeun pausahaan produksi pilem Tri Murni Film, nu mroduksi ngan hiji pilem Segenggam Tanah Perbatasan (1965), nu dibéntangan ku Susana jeung Suprapto-saméméh ditutup. Maranéhna kolaborasi deui dina pilem séjén, Suzie, taun kaduana. Tarékah satuluyna, ngadegkeun Tidar Jaya Film, ieu nu pangsuksésna mah;[1] geus mroduksi opat pilem ti taun 1970 nepi ka 1973 téh.[4] Nu munggaranna mah Tuan Tanah Kedawung (1970), adaptasi tina komikna Ganes TH. Dina ieu pilem, Susana milih peran minangka Ratna, awéwé nu kudu nangtayungan taneuh salakina waktu digawé di Kalimantan.[5] Tidar Jaya tuluy mroduksi pilem Beranak dalam Kubur (1971), Bumi Makin Panas (1973), jeung Napsu Gila (1973); sakumna diperankeun ku Susana.[4]
Kasuksésan Susana nu pang-pangna mah nya dina taun 1970-an, kumaha ogé lain ti pausahaanna sorangan. Taun 1970, manéhna meunang peran di pilem Bernafas dalam Lumpur, hiji pilem nu diproduksi ku Sarinande Films anu disutradaraan ku Turino Djunaedy. Dina ieu pilem, Susana meunang peran minangka awéwé nu nyaba ka Jakarta pikeun manggihan salakina, ngan kalah ka jadi korban padagangan manusa. Kontrovérsial, lantaran némbongkeun séksualitas jeung basa kasar nu sajalantrahna, ieu pilem kungsi dilarang sumebar di sakuliah Bandung.[6] Pikeun ieu pilem, Susana dinobatkeun minangka aktris pangpopulérna di Asia dina Festival Film Asia Pasifik di Seoul. Susana tuluy ngungkabkeun yén adegan séks éta téh bolostrong teuing, sangkan maheutkeun pikeun nyingkahan hal nu samodél kitu ka hareupna mah.[1]
Susana pipirakan jeung Suprapto taun 1974, dituturkeun ku produksina pilem Napsu Gila; Tidar Jaya tuluy eureun mroduksi.[1]
Di Indonésia mah kasohorna minangka si ratu pilem horor Indonésia,[7] lain ku lantaran éktingna nu pikaseremeun tapi ogé ku gaya hirupna anu mistis. Ceuk sawatara jalma mah Susana katempo ngora baé dina umurna nu geus kolot gé, lantaran ngeletukan waé kembang malati.
Susana dikawin jeung aktor Dicky Suprapto. Sanggeus pipirakan deui manéhna dumuk jeung aktor Clift Sangra. Putrina ti pakawinanna jeung Dicky Suprapto, Kiki Maria, ogé saurang aktris. Susana pangsiun tina dunya pilem taun 1990-an ngan balik deui midang dina pilem Hantu Ambulance, taun 2008. Ngan ieu mah midangna nu pamungkas.
Susana maot tanggal 15 Oktober 2008, di Magelang dina umur 66 taun, sanggeus 30 taun kaserang panyakit diabétés.[8][9]
Filmografi
[édit | édit sumber]- Asrama Dara (1958)
- Bertamasja (1959)
- Mira (1961)
- Aku Hanja Bajangan (1963)
- Antara Timur dan Barat (1963)
- Segenggam Tanah Perbatasan (1965)
- Suzie (1966)
- Bernafas dalam Lumpur (1970)
- Tuan Tanah Kedawung (1970)
- Air Mata Kekasih (1971)
- Beranak dalam Kubur (1971)
- Napsu Gila (1973)
- Bumi Makin Panas (1973)
- Ratapan dan Rintihan (1974)
- Pulau Cinta (1978)
- Permainan Bulan Desember (1980)
- Ratu Ilmu Hitam (1981)
- Sundel Bolong (1981)
- Lembah Duka (1981)
- Sangkuriang (1982)
- Nyi Blorong (1982)
- Nyi Ageng Ratu Pemikat (1983)
- Perkawinan Nyi Blorong (1983)
- Telaga Angker (1984)
- Dia Sang Penakluk (1984)
- Usia dalam Gejolak (1984)
- Ratu Sakti Calon Arang (1985)
- Bangunnya Nyi Roro Kidul (1985)
- Petualangan Cinta Nyi Blorong (1986)
- Malam Jumat Kliwon (1986)
- Samson dan Delilah (1987)
- Ratu Buaya Putih (1988)
- Santet (1988)
- Malam Satu Suro (1988)
- Wanita Harimau (Santet II) (1989)
- Pusaka Penyebar Maut (1990)
- Titisan Dewi Ular (1990)
- Perjanjian di Malam Keramat (1991)
- Ajian Ratu Laut Kidul (1991)
- Hantu Ambulance (2008)
Rujukan
[édit | édit sumber]- ↑ a b c d e f Biran 1979, p. 487.
- ↑ Kristanto 2007, p. 48.
- ↑ Imanjaya 2006, p. 112.
- ↑ a b Tidar Jaya Film.
- ↑ Kristanto 2007, p. 79.
- ↑ Kristanto 2007, p. 76.
- ↑ Horror Artist Suzanna Dies, The Jakarta Post, 2008-10-17
- ↑ Nyi Roro Kidul 30 tahun derita diabetes[tumbu nonaktif], DetikCom, 2008
- ↑ Horror Film Queen Dies Aged 66 Archived 2008-10-24 di Wayback Machine The Jakarta Post, 16 October 2008
Cutatan
[édit | édit sumber]- Biran, Misbach Yusa, ed. (1979). Apa Siapa Orang Film Indonesia 1926–1978 [What and Who: Film Figures in Indonesia, 1926–1978]. Jakarta: Sinematek Indonesia. OCLC 6655859.
- Imanjaya, Ekky (2006). A to Z about Indonesian Film (dalam Indonesian). Bandung: Mizan. ISBN 978-979-752-367-1.
- Kristanto, JB, ed. (2007). Katalog Film Indonesia 1926 – 2007. Jakarta: Nalar. ISBN 978-979-26-9006-4.
- "PT Tidar Jaya Film". filmindonesia.or.id (dalam Indonesian). Konfiden Foundation. Diarsipkan dari versi asli tanggal 9 August 2017. Diakses tanggal 9 August 2017. Archived 9 Agustus 2017 di Wayback Machine
Tutumbu luar
[édit | édit sumber]- (en) Suzzanna di Internet Movie Database