Swastika

Swastika (devanagari: स्वस्तिक, Svastika) atawa gammadion cross, cross cramponnée, atawa manji (basa Jepang) nyaéta simbol nu umum dipaké salaku simbol suci umat Hindu, Jainisme atawa Buddha. Lambang nu awam katempo nyaéta 卐 atawa sok 卍. ^[rujukan?]

Harti

Numutkeun urang Bali, Swastika boga simbol yén déwa-déwa cicing (loka-pala) di sakabéh arah angin.^[rujukan?] Wangunna saperti cakra nu muter, ogé ngabogaan harti yén déwa-déwa muterkeun alam pikeun nyiptakeun katingtriman, kasejahteraan jeung kasaimbangan nu abadi.^[rujukan?] Ieu ogé disebut Déwa Nawa Sanga (Siwa ditengah, Wisnu, Sambhu, Iswara, Mahéswara, Brahma, Rudra, Mahadéwa jeung Sankara).^[1] Sedengkeun dina lukisan jeung ilustrasi kitab Jainisme Swastika nyaéta simbol umum India kuno nu asalna ti cahya panonpoé atawa ti yoni jeung kecap magis OM.^[2]

Swastika ogé minangka motif hias géometris nu ngalantarankeun loba nagara nu ngagem kapercayaan Hindu, Jainisme atawa Buddha maké simbol ieu minangka simbol pangharepan anu hadé.^[3] Kecap su- nu hartina hadé sedengkeun -asti- boga maksud minangka atawa nyaéta sarta -ka nyaéta kecap sipat nu nyoko jadi kecap barang nu di transliterasi sacara harfiah maksudna nyaéta "nyoko kana kahadéan" atawa "kasejahteraan" sarta "hal nu nyieun untung".^[4]

Rujukan

↑ Buhanuddin, Yudhis M. 2008. Bali Yang Hilang: Pendatang, Islam dan Etnisitas di Bali. Yogyakarta: Kanisius
↑ Parrinder, Geoffrey. 1996. Sexual Morality "In the World's Religions". England: Oneworld Publication
↑ Sulastianto, Harry dkk. 2009. Seni Budaya. Jakarta. Grafindo Media Pratama
↑ http://www.sanskritdictionary.com. Disungsi kaping 11 April 2015

[1] Buhanuddin, Yudhis M. 2008. Bali Yang Hilang: Pendatang, Islam dan Etnisitas di Bali. Yogyakarta: Kanisius

[2] Parrinder, Geoffrey. 1996. Sexual Morality "In the World's Religions". England: Oneworld Publication

[3] Sulastianto, Harry dkk. 2009. Seni Budaya. Jakarta. Grafindo Media Pratama

[4] http://www.sanskritdictionary.com. Disungsi kaping 11 April 2015

[1]

[2]

[3]

[4]