Ténis

Ti Wikipédia, énsiklopédia bébas
Luncat ka: pituduh, paluruh
Lapang ténis nu aya di Wimbledon

Ténis nyaéta salah sahiji olahraga kaulinan nu ngagunakeun rékét jeung bal ténis sarta dilakukeun ku dua urang (single) atawa opatan (double) di lapangan pasagi opat kalawan nét nu dipasang di tengah.[1] Kaulinan ténis bisa dilakukeun di jero rohangan (indoors) atawa di luar rohangan (outdoors).[1] Ieu kaulinan mangrupa salah sahiji kaulinan nu dipikaresep ku masarakat di sakuliah dunya sarta milu ilubiung dina kamekaran olahraga dunya.[1] Mimitina mah ieu kaulinan téh ngaranna lawn tenis atawa ténis nu dilakukeun dina lapangan nu aya jukutan minangka bébédaanana jeung ténis lapangan biasa.[1] Tapi tina éta hal dihasilkeun hiji kaulinan olahraga nu disebut ténis.[1]

Sajarahna[édit | édit sumber]

Olahraga ténis geus aya ti mimiti abad 15 saméméh maséhi.[2] Buktina nyaéta ayana hiji kuil di Mesir, dina témbokna aya olahraga ténis dina wangun gambar.[2]
Abad ka 8, olahraga ténis lapangan mimiti dipikawanoh di Eropa.[2] Kecap ténis sorangan asalna ti Perancis nyaéta tenez.[2] Nalika rék maénkeun ieu kaulinan, masarakat Perancis nyebutna téh tenez nu hartina maén.[2] Mekarna ténis di Perancis bareng jeung nagara-nagara lian kayaning Spanyol, Inggris, Belanda, Jerman, Italia, jeung Swiss.[2]
Abad ka 19, ténis lapangan mimiti dipikaresep ku bangsawan asal Inggris.[2] Salian ti éta dina taun 1869, hiji klub nu aya di Inggris méré perhatian leuwih kana ieu olahraga.[2] Éta klub téh ngaranna England Croquet and Lawn nu aya di Wimbledon.[2] Tuluy ieu klub ngayakeun hiji turnamén nu jadi kasang tukang ayana turnamén Wimbledon.[2]

Lapang jeung alat-alat nu diperlukeun[édit | édit sumber]

Rékét ténis jeung bal ténis

Lapang ténis standar miboga dua sét garis sisi nu béda, hiji keur nu single sarta hiji deui keur nu double.[1] Sérvis dilakukeun ti tukangeun garis gigir ka hareup kalawan arah diagonal ka tempat sérvis lawan.[1]
Lapang ténis ditandaan ku garis sisi warna bodas.[1] Panjang lapangan nyaéta 78 ft (23,8 m), dibagi jadi dua daérah nu sarua legana kalawan hiji nét nu dipasang di tengah-tengah lapang nu jangkungna 3 ft (0,9 m).[1] Lapang bisa dijieun tina jukut, taneuh, aspal, semén, kai, jukut buatan jeung sajabana.[1]
Bal ténis dijieun tina karét nu dibungkus ku kaén wol jeung serat fiber buatan pabrik.[1] Warnana konéng kahéjo-héjoan jeung bodas nu biasa digunakeun dina kompetisi hiji turnamén.[1] Ukuran standar bal ténis nyaéta 2,5 jeung 2,6 inc (6,35 jeung 6,6 cm) sarta beuratna nyaéta 1,98 jeung 2,1 ons (56 jeung 59,4 gr).[1]
Kelas ténis sacara umum ditangtukeun ku ukuran bagéan hulu rékét di antarana waé aya nu disebut, standar, midsize, oversize, jeung super over size.[1] Dina turnamén biasa, panjang maksimal hiji rékét nyaéta 29 inc (73,7 cm).[1] Biasana mah rékét dijieun tina kai, tapi kiwari mah loba rékét nu dijieunna tina alumunium, grafit, jeung fiber karbon nu leuwih kuat jeung leuwih hampang.[1]

Referensi[édit | édit sumber]

  1. a b c d e f g h i j k l m n o p Firdaus, Sofyan.2009.Permainan Tenis Lapangan.Jakarta:Ricardo (id)
  2. a b c d e f g h i j Tenis Lapangan (Diakses tanggal 6 Nopember 2011) (id)


Nulis.jpg