Tarucing cakra

Ti Wikipédia Sunda, énsiklopédi bébas
Loncat ke navigasi Loncat ke pencarian
Modél tarucing cakra anu sok aya di Indonésia

Tarucing cakra (basa Indonésia: Teka-teki silang) nyaéta hiji tatarucingan dina wangun kotak-kotak kosong, anu ku urang kudu dieusian ku kecap-kecap nu pituduhna (clue) geus disadiakeun. Biasana, mangrupa kotak-kotak hideung jeung bodas. Kotak bodas dieusian ku kecap, sedengkeun kotak hideung nu misahkeun antarkecap.

Format tina tarucing cakra rupa-rupa. Di Indonésia, kotak jeung pituduh dina tarucing cakra boga gayana sorangan, kitu ogé jeung format tarucing cakra di nagara séjén. Kasohorna tarucing cakra di Indonésia henteu ngan saukur rubrik tarucing cakra di ampir unggal majalah jeung koran di Indonésia jaman 1970-an, tapi kungsi aya ogé majalah husus tarucing cakra jeung sumebarna buku tarucing cakra kalawan modél cetak sténsilan anu bisa dibeuli kalawan harga nu murah pisan.

Sajarah[édit | édit sumber]

Di tanggal 2 Désémber 1913, Arthur Wynne medalkeun tarucing cakra dina majalah New York World kalawan format saperti nu ku urang dipikawanoh kiwari. Tatarucingan ieu, anu bisa ditempo dina ramatloka Crossword Tournament, disebut-sebut minangka tarucing cakra munggaran, sarta Wynne salaku nu manggihanana.

Tarucing cakra tuluy jadi fitur mingguan di majalah éta. Buku kumpulan tarucing cakra munggaran medal di taun 1924, dimedalkeun ku Simon and Schuster.[rujukan?] Bukuna payu pisan, tuluy tarucing cakra jadi salah sahiji barang pangkasohorna di taun 1924.[rujukan?]

Di taun 1970-an di Jakarta medal "Asah Otak", hiji majalah tarucing cakra sarta rupa-rupa tatarucingan nu lian. Medalna éta majalah kawilang suksés anu antukna loba majalah nu sarupa nu sumebar dina mangsa éta.[perlu cutatan]

Tingali ogé[édit | édit sumber]


Nulis.jpg