Tasma

Ti Wikipédia Sunda, énsiklopédi bébas
Loncat ke navigasi Loncat ke pencarian
Tasma
Glasses black.jpg
Tasma modéren
Ngaran lianKacamata, Kacapanon
SpésialisasiOftalmologi, Optométri

Tasma, (basa hormat: Kacasoca) ogé disebut kacamata atawa kacapanon nyaéta rarangka nu nyekelan lénsa nu dipakéna dihareupeun salah sahiji atawa dua panon pikeun menerkeun tetempoan atawa protéksi tina cahya nu ngabahayakeun panon (conto: cahya ultrabungur. Kiwari tasma ilahar mibanda ogé hiji jambatan antara lénsa kénca jeung katuhu, sapasang kuda-kudana nu némpél kana irung, sarta kakait kana dua ceuli. Salian ti éta, kiwari loba tasma geus jadi alat pikeun ngagaya jeung alat bantu lamun keur lalajo pilem 3 diménsi.

Sajarah[édit | édit sumber]

Mimitian[édit | édit sumber]

Sajarah tasma dimimitian ti Nero, saurang kaisar Roma, anu ngawasa ti taun 54 nepi ka 68 Maséhi. Nero mindeng maké batu permata cekung pikeun maca jeung lalajo pertunjukan, sanajan kitu, euweuh nu apal yén manéhna boga masalah dina panempoannana atawa henteu.[1]

Pamanggihan Tasma[édit | édit sumber]

Bangsa Cina sigana anu pangkahijina maké tasma siga tasma anu loba dipaké di jaman kiwari. Ilaharna tasmana téh dijieunna tina lénsa anu bentukna oval nu badag pisan jeung kajieun tina kristal batu jeung bingkaina tina batok kuya. Sangkan kacana bisa kacekel, bangsa Cina maké dua kawat nu dibéré beungbeurat sarta dikaitkeun kana ceuli maranéhna atawa lénsana dikaitkeun kana dudukuy atawa maké kait anu dicantolkeun kana pelipis maranéhna. Pikeun bangsa Cina, tasma ngan saukur dipaké salaku jimat kabogauntungan atawa alat pikeun maranéhna katempo leuwih hadé jeung miboga wibawa nu matak kadang maranéhna ngan maké bingkai tasmana hungkul henteu jeung lénsana.[1]

Pamekaran[édit | édit sumber]

Tasma Abad 16 di Jerman

Tasma geus mulai dipikawanoh di Éropa nalika abad ka-13. Namung, ari bangsa Éropa mah maké tasma téh émang pikeun nyékasan panempoan maranéhna. Tasma anu diparaké ku maranéhna masih kénéh sarua siga tasmana bangsa Cina anu dijieunna tina batu kristal atawa batu transaparan.

Tasma anu pangmimitina dipaké ku urang Éropa ngan saukur kaca panggedé anu dicekelan maké hiji leungeun. Tuluy saenggeus éta karék wé muncul lénsa kaca ganda anu dibéré gagang sangkan bisa dikaitkeun kana ceuli. Tuluy gagangna dileungitkeun jeung digantikeun maké pita atawa tambang sangkan bisa dikaitkeun kana sirah. Pikeun sababaraha lila, jelema maké tasma pér, nyaéta tasma anu dijepit maké alat siga paniti ka luhur irung. Ahirna beuki lila, muncul idé pikeun maké kawat béngkok nu diheuraskeun sangkan bisa jadi gagang dina ceuli.

Lénsa anu dipaké pikeun nyékasan panempoan cenah mah dipaké ku Abbas Ibn Firnas [2] nalika abad ka-9. Abbas Ibn Firnas manggih cara pikeun ngaproduksi lénsa anu hérang pisan. Lénsa ieu dibentuk jeung diasah jadi batu buleud anu bisa dipaké pikeun maca nepi ka dipikawanoh salaku "batu maca".

Nalika tungtung abad ka-13, ahirna kakara kapanggih yén kaca salaku lénsa leuwih alus tibatan maké batu transparan. Hal ieu numutkeun kana panalungtikanna Sir Joseph Needham, salah saurang panalungtik ti Inggris. Panalungtikanna nunjukkeun yén tasma dipanggih 1000 taun ka tukang di Cina nu ahirna sumebar ka saniskara dunya nalika jaman datangna Marco Polo taun 1270. Hal ieu ogé disebutkeun ku Marco Polo na sorangan dina buku éta. Sanajan can tangtu bener, loba jelema nu percaya yén tukang kaca anu jadi inisiator hal ieu.[1]

Panyampurnaan Tasma[édit | édit sumber]

Nalika taun 1784, Benjamin Franklin, saurang élmuwan Amérika, nyiptakeun Tasma bifokal nyaéta tasma anu kanyat dipaké pikeun nempo jarak deukeut jeung jarak jauh.[3]

Tempo ogé[édit | édit sumber]

Rujukan[édit | édit sumber]

  1. a b c Wulffson, Don M.H: " Kisah-Kisah Menarik Di Balik Penemuan Benda-Benda Biasa Dalam Kehidupan Sehari-Hari", halaman 100. Penerbit Arena, 2000. ISBN 979-6695-13-5
  2. Ajram, Dr. Kasem: "Miracle of Islamic Science", Appendix B. Knowledge House Publisher, 1992.ISBN 0-911119-43-4
  3. "Perkembangan Kacamata". Diakses tanggal 2011-03-13. 

Tumbu luar[édit | édit sumber]

Wikiquote logo
Wikicutatan mibanda cutatan-cutatan nu patali jeung artikel ieu dina kaca
Wiktionary-logo-su-without-text.svg
Tempo tasma dina Wikikamus, kamus bébas.