Tayamum
Tayamum sacara etimologis nyaéta Al Qosdu (القَصْدُ) nu hartina maksud.[1] Sedangkeun sacara istilah dina syari’at Islam nyaéta hiji ibadah ka Allah ku cara ngusap pameunteu jeung dua leungeun ku ngagunakeun sho’id anu bérésih.[1] Sho’id nyaéta sakabéh barang nu aya di luhureun bumi (nu bisa digunakan pikeun ngalakukeun tayammum boh nu aya taneuhan boh henteu di dieu nu dimaksud nyaéta kekebul).[1] Tayamum nyaéta ngusapkeun taneuh kana pameunteu jeung ngumbah leungeun nepi ka siku ku sababaraha sarat.[2] Tayamum ogé gaganti abdas atawa mandi, salaku rukhsah (keringanan) pikeun jalma nu teu maké cai lantaran sababaraha halangan (uzur), nyaéta :
- Uzur ku lantaran gering, maksudna tingali tina nambahan henteuna gering lamun maké cai saluyu jeung katerangan ti dokter;
- Lantaran keur dina lalampahan;
- Lantaran euweuh cai.[2]
Sedengkeun numutkeun Kamus Basa Sunda, tayamum téh nyaéta abdas ku kikisik atawa taneuh lantaran euweuh cai.[3] Dina harti séjén, tayamum téh gaganti wudhu atawa abdas jeung mandi wajib nu kuduna ngagunakeun cai bérésih diganti ku taneuh atawa kekebul anu bérésih.[4] Ulah ngalakukeun tayamum maké taneuh jeblog atawa ngandung najis.[5]
Alasan ngalakukeun Tayamum
[édit | édit sumber]- Keur dina lalampahan nu jauh
- Jumlah cai teu cukup, sabab jumlahna saeutik
- Geus usaha satékah polah néangan cai tapi teu kapanggih
- Cai nu aya suhu atawa kaayaanana ngandung kamadhorotan
- Cai nu aya ngan saukur pikeun diinum
- Cai aya di tempat nu jauh jeung bisa katinggaleun sholat
- Dina cinyusu aya nu ngandung bahaya
- Gering jeung ulah keuna ku cai.[4]
Sarat Sah Tayamum
[édit | édit sumber]- Geus asup waktu sholat
- Maké taneuh nu ngebul bérésih tina najis jeung kokotor
- Ngandung alasan atawa sabab nu ngakibatkeun kudu tayamum
- Geus usaha néangan cai tapi teu kapanggih
- Teu héd jeung nifas pikeun awéwé
- ngaleungitkeun najis nu napel dina awak.[4]
Sunah-Sunat Nalika Ngalaksanakeun Tayamum
[édit | édit sumber]- Maca bismillah
- Nyanghareup ka kiblat
- Maca dua sanggeus réngsé tayamum
- Ngaheulakeun nu ka tuhu tibatan nu kénca
- Niup kekebul nu aya dina damapal leungeun
- Ngagosok ramo sanggeus ngusap nepi ka siku.[4]
Rukun Tayamum
[édit | édit sumber]- Niat tayamum
- Ngusap pameunteu ku kekebul atawa taneuh
- Ngusap dua leungeun ku kekebul atawa taneuh nepi ka siku.[4]
Tata Cara Tayamum
[édit | édit sumber]- Maca bismillah
- Anggangkeun ramo, tapelkeun kana kekebul atawa taneuh, teken nepi ka kekebul narapel
- Angkat dua leungeun tuluy tiup dampal leungeun pikeun ngaipiskeun kekebul nu napel, tuluy tiup ka arah nu lian patukang tonggong jeung tempat kekebul atawa taneuh tadi
- Niat tayamum : Nawaytuttayammuma listibaa hatishhalaati fardhollillahi ta'aala (Abdi niat tayammum pikeun ngalakonan sholat karena Allah Ta'ala).
- Usapkeun dampal leungeun kana pameunteu
- Bersihkeun kekebul nu nyésa dina dampal leungeun
- Cokot deui taneuh ku ngaanggangkeun ramo, tapelkeun deui kana kekebul, teken nepi ka kekebul narapel
- Angkat dua leungeun tuluy tiup dampal leungeun pikeun ngaipiskeun kekebul nu narapel, tuluy tiup ka arah nu lian patukang tonggong jeung tempat kekebul atawa taneuh tadi
- Usapkeun kekebul kana dua leungeun, mimiti kana leungeun katuhu tuluy kana leungeun kénca.[4]
Referensi
[édit | édit sumber]- ↑ a b c Tata cara tayamum Archived 2011-10-29 di Wayback Machine(diakses tanggal 05 Februari 2011)
- ↑ a b Rasjid, Sulaiman.1994.FIQIH ISLAM.Bandung:PT Sinar Baru Algensindo Offset
- ↑ Satjadibrata,R.2005.Kamus Basa Sunda.Bandung:Kiblat Buku Utama
- ↑ a b c d e f pengertian tayamum cara syarat rukun sebab sunat tayammum wudhu dengan debu tanah (diaksés tanggal 30 Januari 2008)
- ↑ Definisi, pengertian tayamum(diaksés tanggal 16 Januari 2010)