The Rolling Stones

Ti Wikipédia Sunda, énsiklopédi bébas
Personil Rolling Stones (ti luhur kénca: Mick Jagger, jeung Keith Richards, ti handap kénca: Ronnie Wood, jeung Charlie Watts

The Rolling Stones nyaéta grup musik anu kawilang légendaris, dibentuk di London, Inggris kurang leuwih taun 1962 kalayan personil Mick Jagger (vokal), Keith Richards (gitar), Brian Jones (gitar), Ian Stewart (piano), Dick Taylor (bass), jeung Tony Chapman (drum)[1]. Ieu grup musik naratas karirna dina hiji kleub, ngaranna kleub Marwuee[1]. Personil The Rolling Stones ayeuna nyaéta Mick Jagger, Keith Richards, Charlie Watts, jeung Ronnie Wood[1].

The Rolling Stones idéntik jeung logo létah ngélél ti saprak dirilisna album Sticky Fingers taun 1971[1]. Ieu logo digambar ku salah saurang seniman lulusan Royal College of Art, John Pasche[1]. Najan geus éksis salila 48 taun di industri musik, tapi The Rolling Stones teu pareumeun produktivitasna, Mick Jagger spk masih sok ngayakeun konsér anu tara sepi nu nongton[1].

Diskografi[édit | édit sumber]

The Rolling Stones geus ngarilis album loba pisan ti saprak diadegkeun, album nu pertama nyaéta 12x5 Dina taun 1964, diteruskeun ku album Rolling STones di taun nu sarua[2]. December's Children (And Everybody's) (1965), Out of Our Heads (1965), Rolling Stones No.2 (1965), Rolling Stones, Now! (1965), Aftermath (1966), Got Live if You Want It! (1966), Between The Buttons (1967), Flowers (1967), Their Satanic Majestic Request (1967), Beggars Banquet (1968), Let it Bleed (1969), Get Yer Ya-Ya's Out! (1970), Sticky Fingers (1971), Exile on Main St. (1972), Goats Head Soup (1973), It's Only Rock 'n' Roll (1974), Black and Blue (1976), Love You Live (1977), Some Girls (1978), Emotional Rescue (1980), Tattoo You (1981), Still Live (1982), Undercover (1983), Dirty Work (1986), Steel Wheels (1989), Flashpoint (1991), Voodoo Lounge (1994), Stripped (1995), Rolling Stones Rock and Roll Circus (1996), Bridges to Babylon (1997), No Security (1998), Live Licks (2004), Bigger Bang (2005), Shine a Light: Original Soundtrack (2008), jeung anu pamungkas nyaéta Rolling Stones [ABKCO] (2010)[2].

Référénsi[édit | édit sumber]

  1. a b c d e f Profil The Rolling Stones-Kapanlagi.com (diaksés tanggal 25 Nopémber 2011)
  2. a b (en)Diskografi The Rolling Stones Archived 2011-12-10 di Wayback Machine(diaksés tanggal 25 Nopémber 2011)