Universitas Majalengka

Ti Wikipédia, énsiklopédia bébas
Loncat ke navigasi Loncat ke pencarian


Universitas Majalengka
(UNMA)

Ngadeg 1984
Jinis Paguron Luhur
Réktor Prof Dr HA Yunus SH MBA
Perenah Jl. Abdul Halim No. 103 Majalengka
Loka http://www.universitas-majalengka.ac.id

Universitas Majalengka (UNMA) diadegkeun dina taun 1984.[1] Yayasan Pembina Pendidikan Majalengka anu menaungi Universitas Majalengka.[1] Yayasan ieu disahkeun jeung Akta Notaris Iskandar Wiramihardja, S.H. No. 177 tanggal 25 Oktober 1984, sarta akta parobahan anu disahkeun Notaris Laila Obed No. 88 tanggal 31 Méi 1999.[1] Dina awalna Yayasan Pembina Pendidikan Majalengka (YPPM) ieu ngadegkeun tilu paguron luhur, nyaéta:[1]

  1. Sekolah Tinggi Ilmu Administrasi (STIA-YPPM)
  2. Sekolah Tinggi Keguruan dan Ilmu Pendidikan (STKIP-YPPM)
  3. Sekolah Tinggi Hukum (STH-YPPM)

Dina taun 1986, ku lantaran aya masalah téknis, (STKIP-YPPM) jeung (STH-YPPM) dimergerkeun jeung Universitas Sebelas April (UNSAP) Sumedang jeung Universitas Swadaya Gunung Djati (UNSWAGATI) Cirebon.[1] Ku kituna, paguron luhur anu tetep aya dina waktu éta ngan (STIA-YPPM), Program Studi Administrasi Negara.[1] Dina taun 1997, sanggeus nengetan sagala rupa aspék sarta tungtutan masarakat, (STIA-YPPM) narékahan ngamekarkeun misina pikeun mantuan pamaréntah dina nyieun sumber daya manusa anu berkualitas, ku cara muka Program Studi Administrasi Bisnis.[1] Dituluykeun dina taun 1998 muka paguron luhur anyar, nyaéta (STKIP-YPPM), Program Studi Basa Dan Sastra Indonésia jeung Pendidikan Kesegaran Jasmani Dan Kesehatan.[1]

Kasuksesan anu dihontal ku (STKIP-YPPM) geus nyorong para pangadeg pikeun ngadegkeun paguron luhur anyar, nyaéta (STIP-YPPM) kalayan muka Program Studi Budidaya Pertanian, Sosek Pertanian jeung ngadegkeun (STIE-YPPM), kalayan muka Program Studi Manajemen dan Akuntansi dina taun 1998.[1]

Dina taun 2001, Yayasan Pembina Pendidikan Majalengka ngadegkeun parguron luhur, nyaéta Sekolah Tinggi Ilmu Kehutanan (STIK-YPPM) , kalayan muka Program Studi Manajemén Hutan Dan Budidaya Hutan anu idin operasionalna turun babarengan jeung Universitas Majalengka.[1] Saterusna dina taun 2002 (YPPM) ngadegkeun deui paguron luhur anyar nyaéta (STAI-YPPM) kalayan opat program studi, nyaéta: Program Studi Tarbiyah, Saréat, PGSD/MI jeung PGTKI/RA.[1]

Pikeun ngalengkepan diadegkeunna Universitas Majalengka, (YPPM) dina taun 2004 ngusulkeun genep Program Studi Eksak, nyaéta:

  • Manajemen Hutan
  • Budidaya Hutan
  • téhnik Informatika
  • téhnik Sipil
  • téhnik Mesin
  • téhnik Manajemen Industri.[1]

Visi Jeung Misi[édit | édit sumber]

  • Visi

Ngawujudkeun Universitas Majalengka anu Maju, Teuneung, sarta Sanggup Ngahasilkeun Kader Terdidik anu Berfikir Ilmiah Berbasis Iman sarta Taqwa.[2]

  • Misi

1. Ngamantepkeun prosés diajar mengajar anu efektif, efesien sarta produktif pikeun ngahasilkeun anggota masarakat anu ngabogaan pangabisa ilmiah.[2]

2. Ngaronjatkeun kagiatan panalungtikan anu terarah sarta terpadu pikeun kamajuan élmu kanyaho sarta téknologi.[2]

3. Nyorong kuantitas sarta kualitas pengabdian masarakat minangka wujud peran paguron luhur pikeun ulubiung ngaronjatkeun karaharjaan masarakat.[2]

4. Nyorong kahirupan masarakat ilmiah anu dumasar kana kalayan keimanan sarta ketaqwaan.[2]


Nulis.jpg



Rujukan[édit | édit sumber]

  1. a b c d e f g h i j k l Sajarah (Diakses tanggal 9 November 2011)
  2. a b c d e Visi Misi (Diakses tanggal 9 November 2011)