1279 SM – Ramesis II, ogé nelah ku Ramesis Agung, jadi Fir’aun Mesir Kuno (Dinasti ka-19).
1223 – Serangan Mongol ka Cumans: Patempuran Leuwi Kalka: Tentara Jengish Khan Mongol nu dipingpin ku Subutai, ngéléhkeun Kievan Rus’ jeung Cumans.
1293 – Serangan Mongol ka Jawa minangka pangwalesan ka Raja Kertanegara ti Singosari nu nolak pikeun mayar upeti ka Yuan sarta ngabuntungan salah sahiji mentrina. Najan kitu, seranganna gagal. Diangkeuh minangka kasang tukang diadegkeunna Surabaya.
1578 – Raja Henry III ngagolerkeun batu kahiji Pont Neuf (Jambatan Anyar), pangkolot-kolotna jambatan di Perancis.
1889 – Banjir Johnstown: Leuwih ti 2.200 jalma palastra sabada hiji bendungan rebah sarta ngirimkeun cai nu jangkungna 60 kaki (18 m) nu ngeueum Kota Johnstown, Pennsylvania.
1916 – Perang Dunia I: Patempuran Jutland: Armada Raya Inggris patelak jeung Armada Laut Jérman dina pantempuran pangtohagana dina perang éta, saha nu meunang teu tangtu.
1927 – Mobil Ford Model T nu pamungkas réngsé dirakit, sabada produksi sajumlah 15.007.003 mobil.
2010 – Komando Shayetet 13 Israél nyerang Kapal Kabébasan Gaza nu masih kénéh aya di pacaian internasional nu rék nyoba nembus blokade ka Jalur Gaza; salapan urang Turki dina kapal ditelasan.
2013 – Asteroid 1998 QE2 jeung satelitna ngaliwat sadeukeut-deukeutna ka bumi pikeun mangsa dua abad kahareup.
2013 – Tornado pamecah rékor 2,6 mil legana, narajang El Reno, Oklahoma, Amérika Sarikat, ngabalukarkeun dalapan urang maot sarta leuwih ti 150 urang cidera.
2017 – Hij bom mobil ngabeledug dina parapatan nu ramé di Kabul di deukeut Kadutaan Jérman wanci jam sibuk, nelasan leuwih ti 90 jalma sarta nyideraan 463 lianna.
2019 – Panémbakan lumangsung di sajeroeun adegan kantor pémda di Basisir Virginia, Virginia, ngakibatkeun 13 jalma palastra, kaasup panémbakna, sarta opat jalma tatu.
