28 Méi

Ti Wikipédia Sunda, énsiklopédi bébas
Loncat ke navigasi Loncat ke pencarian
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31  
Tanggal ieu dina sawatara taun panungtung
2019 | 2018 | 2017 | 2016
Baca ogé: Kalénder kajadian

28 Méi nyaéta poé ka-148 dina sataun (ka-149 dina taun kabisat) dina kalénder Gregorian, sésana 217 poé.

Kajadian[édit | édit sumber]

  • 585 SM – Hiji samagaha panonpoé lumangsung sakumaha nu diramalkeun ku pilosop tur élmuwan Yunani, Thales. Wanci harita Alyattes keur perang jeung Cyaxares dina patempuran Halys, langsung rareureuh.
  • 1431 –  Joan ti Arc dituduh béd’ah alatan maké baju lalaki deui, dijadikeun alesan pikeun ngahukum dirina.
  • 1802 – Di Guadeloupe, 400 hamba sahaya pangbarontak nu dipingpin ku Louis Delgrès, ngajelegurkeun maranéhna sorangan manan kudu nyerah ka pasukan Napoléon.
  • 1830 – Présidén AS Andrew Jackson néken Akte Pamindahan Urang Indian nu ngabalukarkeun Pribumi Amérika kaleungitan hak tina lemah-lemahna sarta dipaksa parindah.
  • 1871 – Komune Paris runtuh sabada dua bulan.
  • 1889 – Édouard jeung André Michelin ngadegkeun Pausahaan Ban Michelin.
  • 1892 – Di San Francisco, John Muir ngajieun Kleub Sierra.
  • 1905Perang Rusia-Jepang: Patempuran Tsushima lekasan ku ancurna Armada Laut Baltik Rusia ku Admiral Admiral Tōgō Heihachirō jeung Angkatan Laut Jepang.
  • 1907 – Balapan Isle of Man TT nu kahiji lumangsung.
  • 1918 – Républik Démokratik Azerbaijan jeung Républik Arménia Kahiji nyatakeun kamerdékaanna.
  • 1932 – Di Walanda, pangwangunan Afsluitdijk réngsé sarta Teluk Zuiderzee dirobah jadi cai darat IJsselmeer.
  • 1936Alan Turing medarkeun “Angka-Angka nu Bisa Diitung” ka balaréa, nu jadi dasar-dasar téori pikeun komputer modérn.
  • 1937 – Pausahaan mobil Volkswagen diadegkeun di Jérman.
  • 1940Perang Dunia II: Bélgia nyerah ka Nazi Jérman, mungkas Patempuran Bélgia.
  • 1940 – Perang Dunia II: Pasukan Norwégia, Perancis, Polandia jeung Inggris ngarebut deui Narvik di Norwégia. Hal ieu mangrupakeun kameunangan infanteri Sakutu nu munggaran dina Perang.
  • 1942 – Perang Dunia II: Dina raraga males kana usaha panelasan ka Reinhard Heydrich, Nazi di Cékoslowakia nelasan 1.800 jalma.
  • 1948 – Daniel François Malan kapilih jadi perdana menteri Afrika Kidul. Manéhna tuluy nerapkeun Apartheid.
  • 1961 – Artikel Peter Benenson, Tahanan nu Kapopohokeun, dipedalkeun di sawatara koran internasional. Hal ieu jadi tinimbang pikeun diadegkeunna organisasi hak asasi manusa Amnesti Internasional.
  • 1975 – Lima welas nagara Afika Kulon néken Perjangjian Lagos, ngadegkeun Komunitas Ékonomi Nagara-Nagara Afrika Kulon.
  • 1977 – Di Southgate, Kentucky, Kleub Beverly Hills Supper kahuruan, nelasan 165 jalma sajeroeunna.
  • 1984George Soros ngadegkeun Yayasan Soros Budapest pikeun ngabantu nagara-nagara ngabébaskeun dirina tina komunisme.
  • 1987 – Saurang pilot Jérman, Mathias Rust, nu umurna 18 taun, nyingkahan pertahanan udara Uni Soviét sarta ngadaratkeun pasawat pribadina di Alun-Alun Beureum, Moskow. Manéhna saharita ditahan sarta dibébaskeun dina tanggal 3 Agustus 1988.
  • 1991 – Ibu Kota Addis Ababa murag ka Front Démokrasi Révolusi Rahayat Éthiopia, mungkas boh Réjim Derg boh Perang Sodara Éthiopia.
  • 1995 – Lini 7,0 Mw narajang padumukan Netegorsk, Rusia. Total karusakan sajumlah $64,1-300 juta, sarta 1.989 palastra jeung 7501 tatu. Padumukan éta teu kungsi diwangun deui.
  • 1998 – Pakistan ngawaler kana sarangkéyan uji coba nuklir India ku lima kali nguji coba nuklirna sorangan nu ngaran kodena Chagai-I, ngabalukarkeun AS, Jepang sarta nagara-nagara séjénna nerapkeun sanksi ékonomi. Pakistan ngareuah-reuah poé ieu unggal taun.
  • 1999 – Di Milan Italia, sabada 22 taun dibebener deui, maha karya Leonardo da Vinci, The Las Supper dipajangkeun deui.
  • 2002 – Balok waja pamungkas tina adegan World Trade Center dipindahkeun. Pangbérésan sacara rasmi réngsé ku upacara panutupan di Titik Enol di Manhattan, Kota New York.
  • 2003Peter Hollingworth mundur minangka Gupernur Jendral Australia sabada ayana kritik kana panangkesan tuduhan palécéan séksual ka budak leutik nalika manéhna ngajabat minangka Uskup Agung Brisbane.
  • 2004 – Déwan Pamaréntahan Irak milih Ayad Allawi, saurang jalma anti-Saddam ti babaheula, minangka pajabat sawatara pamaréntahan di Irak.
  • 2008 – Pasamoan munggaran Déwan Konstituén Nepal sacara rasmi nyatakeun Nepal minangka hiji républik, mungkas pamaréntahan Dinasti Syah salila 240 taun.
  • 2010 – Di Béngal Kulon, India, karéta Jnaneswari Express kaluar tina erélna ngakibatkeun maotna 148 panumpang.
  • 2018Coca-Cola medalkeun inuman alkoholna nu munggaran – Lemon Do di Pulo Kyushu, Jepang.

Nu babar[édit | édit sumber]

Nu pupus[édit | édit sumber]

Poé peré / poé panginget-nginget[édit | édit sumber]

Tumbu luar[édit | édit sumber]

Nuvola apps clock.png