Walungan Cipamali

Ti Wikipédia, énsiklopédia bébas
Loncat ke navigasi Loncat ke pencarian
Wewengkon Sunda jeung Jawa dipisahkeun ku walungan Cipamali.

Walungan Cipamali nyaéta walungan anu perenahna di Kabupatén Brebes, Jawa Tengah. Ieu walungan téh disebut ogé minangka kali pemali, jeung kali brebes. Dumasar kana fakta historis, ieu walungan téh jadi tapel wates antara dua etnis panggedéna di pulo Jawa, nyaéta Sunda di kuloneunna jeung Jawa di wétanneunna.

Ieu walungan dingaranan kitu lantaran dianggap "pamali" pikeun diliwatan ku masarakat Sunda[1]. Komo pikeun lalampahan anu penting dina hirupna[1]. Aya anggapan yén ngaran ieu walungan téh dilarapkeun sabada kajadian Perang Bubat[1].

Cipamali dina naskah Bujangga Manik[édit | édit sumber]

Nurutkeun cutatan sajarah, walungan Cipamali jadi tapel wates antara wewengkon Sunda jeung Jawa, sakumaha anu disebutkeun dina naskah Bujangga Manik.

Sadatang ka tungtung Sunda
Meuntasing di Cipamali
Datang ka alas Jawa

Satepina ka tungtung Sunda
Aing meuntas di Cipamali
datang ka leuweung (wewengkon) Jawa

Cipamali dina carita Ciung Wanara[édit | édit sumber]

Dina lalakon carita Ciung Wanara, walungan Cipamali téh minangka ciri wates papisahna kadua putra prabu Siliwangi anu ngadu jajaten ti mimiti alun2 karajaan galuh buhun nu ayana di kawali ciamis dugi ka daerah cirebon. nyaéta Ciung wanara putra kadua Prabu siliwangi anu lahir ti rahim istri kadua prabu siliwangi,kumargi kasieunan tahta raja lunsur ka Cing wanara kumargi ciung wanara mah di pikayaah pisan ku prabu siliwangi, istri kahiji anu ngagaduhan putra nu bakal ngawaris tahta raja ngarasa kaseunan waris karajaan téh lunsurna ka ciung wanara.


Rujukan[édit | édit sumber]

Nulis.jpg