Bandrék
Bandrék nyaéta inuman tradisional khas urang Sunda, Jawa Barat, Indonesia nu dikonsumsi sangkan ngahaneutan awak. Bandrék dijieun tina bahan-bahan rempah kawas jahé, séréh, kiamis, jeung pala. Bahan dasar nu utamana nyaéta jahé jeung gula beureum, mung di daérah-daérah nu tangtu mah sok nambahkeun rempah-rempah nu nguatkeun rasa haneutna, sapertos pedes, pandan, endog hayam kampung, jeung sajabana. Bisa ogé ditambahkeun susu, kumaha salérana. Kandungan nu aya tina rempah-rempahna ngandung mangpaat nu saé kanggo kaséhatan awak, sapertos ramuan tradisional atawa herbal nu sering digunakeun ku masarakat jaman baheula. Urang Indonésia percaya yén bandrék téh bisa ngubaran panyakit ringan sapertos nyeuri tikoro.[1]
Bandrék nu kasohor di Indonésia ngajadikeun inuman ieu dijual di pasarantina bentuk bungkusan instan sagala rupa merk. Heunteu jarang ogé versi instan ieu dikombinasikeun kalawan kopi dina bungkusan kasebat.
Cara jeung katangtuan
[édit | édit sumber]Bahan-bahan
[édit | édit sumber]- Cai : 500 mililiter
- Jahé : 100 gram (huru, memarkeun)
- Gula arén : 200 gram (tutu lemes)
- Daun pandan : 2 lambar
- Kiamis : 5 cm
- Cengkeh : 1 sdt
- Uyah : 1/2 sdt
- Asupkeun cai, gula arén atawa beureum, jahé, kiamis, daun pandan, jeung cengkeh ka jero panci jadi hiji
- Saterusna kulub dugi ngagolak sarta beraroma seungit sabari diaduk rata. Angkat sarta saring
- Sajikeun inuman bandrék mungpung panas.
Dicutat tina
[édit | édit sumber]- ↑ Rigg, Jonathan (1862). Rigg. Universitas Harvard: Lange. p. 37. Disungsi 26 Mei 2024
- ↑ Bandrék (Diakses kaping 12 November 2014) (id)
- ↑ {http://www.bandrekbajigur.com/ Archived 2014-12-19 di Wayback Machine Bandrék] (Diakses kaping 12 November 2014) (id)
- ↑ Bandrék (Diakses kaping 12 November 2014) (id)
- ↑ Bandrék Archived 2014-09-02 di Wayback Machine (Diakses kaping 12 November 2014) (id)