Belut

Ti Wikipédia, énsiklopédia bébas basa Sunda
Luncat ka: pituduh, sungsi
Belut
Belut sawah Monopterus albus
Klasifikasi ilmiah
Kingdom: Animalia
Phylum: Chordata
Class: Actinopterygii
Order: Synbranchiformes
Suborder: Synbranchoidei
Family: Synbranchidae
Genera

Macrotrema
Monopterus
Ophisternon
Synbranchus

Belut nya éta ngaran salah sahiji jenis lauk cai anu wangun awakna buleud manjang tur ngan miboga cécépét tonggong sarta awakna leueur.[1] Belut karesepna ngadahar anak lauk anu laleutik kénéh.[1] Biasana hirup di sérang, di ranca sarta di walungan leutik.[1] Di Indonésia ti saprak taun 1979, belut mimiti dipikawanoh tur dipikaresep minangka bahan kadaharan, nepi ka ayeuna belut loba dibudidayakeun sarta jadi salah sahiji komoditas ékspor.[1]
Belut ngandung protéin anu lumayan luhung.[2] Jumlah protéin anu aya dina daging belut kurang leuwih sarua jeung jumlah protéin anu aya dina daging sapi, sarta leuwih luhung batan jumlah protéin dina endog.[2] Lian ti éta, belut ogé ngandung asam essensial, asam nonessensial, fosfor, zat beusi, vitamin A, jeung vitamin B.[2] Fosor nu aya dina belut leuwih loba batan nu aya dina endog, mangpaat pikeun kaséhatan tulang pikeun nyingkahan ostéoporosis, sedengkeun zat beusi mah mangpaatna pikeun ngalancarkeun aliran getih sangkan teu kataranjang kasakit 5L (lemah, letih, lelah, lesu, lunglai).[2] Ari vitamin A alus pikeun kaséhatan panon jeung sistem reproduksi, sedengkeun vitamin B alus pikeun ngembangna uteuk, ngawangun sél getih beureum, jeung protéin dina awak urang.[2]

Referensi[édit | sunting sumber]

  1. a b c d Belut (id) (Diakses ping 2 November 2011)
  2. a b c d e Kandungan Nutrisi dalam Belut (id) (Diakses ping 2 November 2011)