Hélem

Ti Wikipédia, énsiklopédia bébas basa Sunda
Luncat ka: pituduh, sungsi
hélem motor anu nutupan beungeut

Hélem mangrupa kalengkepan sapédah motor anu wajid dipaké nalika ngajalankeun motor.[1] Undang Undang No 22 tahun 2009 ngeunaan Lalu Lintas jeung Angkutan Jalan (LLAJ), hususna pasal 57 ayat 2 negeskeun yén unggal nu make motor wajib maké hélem anu saluyu jeung standar nasional Indonesia.[1] Anu ngarempag kana éta aturan bakal meunang sangsi kurungan maksimal sabulan atawa di denda maksimal Rp 250.000,00.[1] Tujuan aturan ieu jelas sangkan ngajaga kanu naék mtor tina nyingkahan kacilakaan.[1] Jaman ayeuna hélem mangrupa bagian tina téknologi perang nya éta pikeun ngalengkepan tina baju zirah atawa baju beusi.[2] Ningali peranna anu cukup penting pikeun nutupan sirah sangkan jauh tina sanjata-sanjata musuh yén hélem terus mekar. [2] Sedengkeun jaman baheula mah hélem téh sabangsa eurih nu dipaké di nagri Walanda anu dihaja dipelak basisir pikeun ingkahan rurudna basisir ka laut.[3]

Sajarah Hélem[édit | sunting sumber]

Sajarah hélém dimimiti ti jaman Romawi kuno.[4] Bahela hélem anu dipaké ku prajurit Romawi pikeun nutupan sirah tina senjata musuh saperti pedang.[4] Lumangsungna kamekaran hélem nepi ka jaman Romawi klasik, abad patengahan nepi ka akhir abad ka 17 ti Eropa nepi ka Jepang.[4] Dina taun 1670, makéna hélem mimiti nurun, ku sabab dianggap teu éféktip pikeun nu makéna.[4] Ku sabab dina taun ieu geus loba nu maraké senjata saperti pistol lantaran hélem geus teu dianggap bisa nutupan sirah ku sabab kualitas bahanna anu teu saluyu jeung sanjata perangna.[4] Nepi ka ahirna dina abad ka-18, para infantri euwueh deui anu maké hélem.[4] Dina jaman Napoleon, helém mimiti dipaké deui ku para prajurit kavaleri.[4] Kamampuh hélem anu pungsina nutupan sirahn katingali nalika perang dunia kahiji.[4] Korban jadi ngurangan alatan bom, ku sabab bahan jeung kualitas hélem geus béda ti jaman Romawi.[4] Ku sabab geus kabuktian yén hélem bisa nguranagan korban jiwa, jadi timimiti perang dunia kadua nepi ka ayeuna, hélem mangrupa kalengkepan anu wajib pikeun nutupan sirah pikeun para prajurit.[4] Sajalan jeung kamekaran waktu jeung téknologi, hélem téh terus mekar nepi ka bentukna rupa-rupa.[4] Ditilik tina sisi aktipitasna hélem lain dibutuhkeun pikeun perang tapi dipaké pikeun aktipitas-aktipitas sipil saperti olahraga, pertambangan, naék motor atawa kagiatan anu résiko lainna.[4] Sedengkeun ditilik tina baha, bentuk, téknologi jeung modélna, hélem ogé terus barobah.[4] Ayeuna mah hélem téh dijieun tina bahan anu loba pariasina salain beusi nya éta metal atawa bahan anu teuas saperti kevlar, serat resin, nepi ka plastik anu kuat.[4]

Mangpaat Hélem[édit | sunting sumber]

  1. Ngajaga sirah bisi kacilakaan. [5]
  2. Ngajaga panon tina kebul atawa kokotor.[5]
  3. Ngurangan pasiltas lamun kacilakaan. [5]
  4. Bisa mantuan muserkeun pnitén dina ngajalankeun motor. [5]

Gallery[édit | sunting sumber]

catetan[édit | sunting sumber]

  1. a b c d MANFAAT HELM (Dicutat tanggal 6 Oktober 2011)
  2. a b Sejarah Hlem (Dicutat tanggal 5 November 2011)
  3. Danadibrata,R.A.(2006).Kamus Basa Sunda.Bandung: Kiblat Buku Utama.
  4. a b c d e f g h i j k l m n Sejarah Helm (Dicutat tanggal 18 November 2011)
  5. a b c d Manfaat Lain Helm Standar (SNI) (Dicutat tanggal 6 Oktober 2011)