Lobak

Ti Wikipédia, énsiklopédia bébas
Luncat ka: pituduh, sungsi
Lobak
Gambar:Lobak.jpg
Klasifikasi ilmiah
Kingdom: Plantae
(unranked): Angiosperms
(unranked): Eudicots
(unranked): Rosids
Order: Brassicales
Family: Brassicaceae
Genus: Raphanus
Species: R. sativus
Ngaran binomial
Raphanus sativus
L.

Lobak nya éta ngaran tutuwuhan beubeutian siga wortel ngan warnana bodas, jangkungna kurang leuwih saméter, watangna beyé, warnana bodas sepa.[1] Daunna nunggal, lonjong, sisina rérégéan, warnana héjo jeung buluan.[1] Kembangna wangun turuy di tungtung watang, benang sari warnana konéng semu héjo, makutana lonjong warnana bodas.[1] Buahna lonjong warnana cokelat.[1] Sikina ogé lonjong.[1]
Lobak asup kana kulawarga Cruciferae sarta miboga tilu variétas atawa jenis, nya éta: Raphanus sativus L. Var. Hortensis Backer, Rahpanus sativus L. Var. Radicula Pres. A. DC atawa leuwih dipikawanoh minangka radish, sarta anu pamungkas nya éta Raphanus sativus L. Var. Niger Mirat atawa leuwih dipikawanoh minangka lobak hideung alatan miboga beuti nu warnana hideung.[2]
Lobak ngandung énzim diatase anu miboga pancén mantuan nyerna pati, vitamin A, vitamin B1, vitamin B2, vitamin C, vitamin E, niasin, minyak asiri, kolin, serat nu garihal, sulfur, kalsium, fosfor, zat beusi, asam oksalat, kalium, silikon, sarta raphain.[2] Kalayan kandungan nu kasebut, lobak mangpaat pikeun ngurangan bulenan lemak jeung lemak nu ngaheurasan dina awak, ngabersihkeun liver, nyingkahan hésé ngising, nyegah kanker, nungkulan batuk jeung bronkitis, nungkulan panas, nungkulan hésé saré atawa insomnia, reumatik, ngurangan napsu dahar, mantuan nungkulan panyakit sinus, ngubaran radang genggerong, ngabersihkeun lendir jeung reuhak (mucus), sarta nungkulan infeksi virus kawas batuk jeung salesma.[2]

Referensi[édit | sunting sumber]

  1. a b c d e Lobak (id) (Diakses ping 12 November 2011)
  2. a b c Lobak (id) (Diakses ping 12 November 2011)