Owa

Ti Wikipédia, énsiklopédia bébas basa Sunda
Luncat ka: pituduh, sungsi
Owa[1]
Status konservasi
Klasifikasi ilmiah
Kingdom: Animalia
Phylum: Chordata
Class: Mammalia
Order: Primate
Family: Hylobatidae
Genus: Hylobates
Species: H. moloch
Ngaran binomial
Hylobates moloch
(Audebert, 1798)

Owa (Hylobates moloch) téh primata ti kulawarga Hylobatidae, atawa nu katelah babon. Pakulitanana hawuk semu hérang, teu boga buntut, leungeunna panjang, rata-rata beuratna 8 kg.

Owa ukur aya di bagian kulon pulo Jawa, (Indonésia), hirup di leuweung-leuweung geledegan. Owa liarna beurang, jago pisan tétérékélan dina tatangkalan (arboréal), kadaharanana bungbuahan, dangdaunan, jeung kekembangan.

Owa anakanana unggal tilu taun (rata-rata), keureuneuhna tujuh bulan. Anakna diasuh di jero gorombolanana, mimiti disapih umur 18 bulan, nincak sawawa kira umur 8 taun.

Kiwari, owa statusna kaasup salah sahiji primata anu paling kaancam musnah, utamana kusabab habitatna di pulo Jawa beuki heureut, kadesek ku kaadaban manusa. Total ti sakabéh pusat pelestarian, paling loba tinggal 2000 deui.

Sarua jeung spésiés babon lianna, owa hirup papasangan ngawasa wilayah nu legana kira 17 ha. Pikeun ngajaga wilayahna, nu bikang sok disada sababaraha kali sapoé. Mun aya nu asup ka wilayahna, nu jalu disada tarik pikeun nyingsieunan.

Owa dibagi kana dua subspésiés: Hylobates moloch moloch (beulah kulon) jeung Hylobates moloch pongoalsoni (beulah wétan) [3].

Rujukan[édit | sunting sumber]

  1. Groves, Colin (16 Nopémber 2005). D.E. Wilson jeung D.M. Reeder (éd.) Mammal Species of the World, Éd. ka-3, 180, Johns Hopkins University Press. ISBN 0-801-88221-4.
  2. Eudey et al (2000). Hylobates moloch. 2006 IUCN Red List of Threatened Species. IUCN 2006. Dipulut ping 11 Méi 2006. Listed as Critically Endangered (CR A1cd, C2a v2.3)
  3. Geissmann, Thomas. "Gibbon Systematics and Species Identification". Diakses pada 13 April 2006. 

Tumbu kaluar[édit | sunting sumber]

Wikispecies
Wikispecies mibanda émbaran ngeunaan