Pepedut

Ti Wikipédia, énsiklopédia bébas basa Sunda
Luncat ka: pituduh, sungsi
Pepedut di gunung

Pepedut nya éta halimun pasosore atawa awan nu napel kana taneuh.[1] [2] Euweuh bédana nu ngadasar antara pepedut jeung awan anu ngalayang luhur di udara.[2] sabot awan aya deukeut atawa di luhur permukaan bumi atawa sagara, awan éta dingaranan pepedut.[2]

Pepedut-pepedut anu biasana aya nyaéta pepedut-pepedut anu kasampak waktu peuting sarta isuk-isuk pisan di luhur dataran rendah tumbuhan leutik.[2] Pepedut-pepedut éta biasana aya alatan ku aliran hawa tiis ti luhur anu murag di luhur permukaan daratan atawa cai anu leuwih panas.[2] Dina peuting-peuting anu tenang sanggeus poék, lapisan-lapisan ipis pepedut mindeng kabentuk deukeut taneuh di tempat-tempat anu rendah.[2] Dina waktu bumi jadi tiis nalika peuting, hawa anu leuwih rendah jadi beuki tiis.[2] Sabot hawa anu leuwih tiis ieu papanggih jeung hawa beueus anu leuwih panas pas di luhurna, pepedut ogé kabentuk.[2]

Minangka aturan umum, pepedut-pepedut di dayeuh laér leuwih kandel ti pepedut-pepedut di désa.[2] Hawa di dayeuh pinuh kalayan debu sarta jelaga anu pacampur jeung partikel-partikel cai anu pohara leutik pikeun nyieun simbut anu kandel.[2] Alesan naha pepedut remen ogé kasampak leuwih kandel batan awan nyaéta alatan tetesan-tetesan pepedut éta leuwih leutik.[2] Tetesan-tetesan leutik dina jumlah badag nyerepan leuwih loba cahya tinimbang tetesan-tetesan badag dina jumlah leutik (kawas anu kapanggih dina awan), sarta ku kituna pepedut kasampak leuwih kandel.[2]

Rujukan[édit | sunting sumber]

  1. Danadibrata,R.A.2006.Kamus Basa Sunda.Bandung:Kiblat Buku Utama
  2. a b c d e f g h i j k l (id) Leokum, Arkady(1997) Aku Ingin Tahu Jilid 1 Jakarta:Quality Press


Nulis.jpg