Rafflesia

Ti Wikipédia, énsiklopédia bébas
Luncat ka: pituduh, sungsi
Rafflesia
kembang jeung kuncup Rafflesia
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Malpighiales
Family: Rafflesiaceae
Genus: Rafflesia
R.Br.

Kembang Rafflesia nya éta jenis (genus) pepelakan kembang parasit. Mimiti dkapanggih dina taun 1818 di leuweung hujan (rain forest) di Bencoolen (Bengkulu) pulo Sumatera, Indonésia, ku saurang pemandu (guide) Indonésia anu digawé dina Dr. Joseph Arnold, salah sahiji anggota team expedisi anu dipingpin ku Sir Thomas Stamford Raffles, anu dina waktu éta nyekel kalungguhan minangka Gubernur di Bencoolen. Pepelakan kembang ieu saterusna dingaranan kembang Rafflesia, (Nu nyicingan pituin Bengkulu, Rejang,Seraway, dll) saméméh Inggris datang geus pamiliar jeung kembang ieu, urang Rejang nyebutkeunana nya éta "kembang Sekedai".[1]

Jenis kembang ieu kira-kira diwangun 26 spésiés (kaasup 4 spésiés anu tacan diverifikasi, anu diwanohkeun ku Meijer dina taun 1997). Kabéhanana aya di Asia Tenggara, kawas Sumatera, Kalimantan sarta Filipina.[2] Kembang ieu teu miboga watang, henteu miboga daun jeung akar sejati. Tumuwuh minangka parasit dina pepelakan ngarambat Tetrasigma, ngenyot unsur anorganik sarta organik ti pepelakan Tetrasigma. Hiji-hijina bagian anu bisa disebut “pepelakan” nya éta raramat anu tumuwuh di pepelakan ngarambat Tetrasigma.[2]

Di Indonésia, spesies Rafflesia anu kawéntar nya éta spésiés “Rafflesia Arnoldii” anu disebut ogé “Patma Buta”, jenis kembang “tunggal” (kembang jalu sarta kembang betina papisah) anu pangbadagna di dunya (sahenteuna diukur tina beuratna). Tumbuhan ieu éndemik (spésiés pituin ti hiji wewengkon) di Pulo Sumatera, utamana bagian Kidul Sumatera; (Bengkulu, Jambi sarta Sumatera Kidul). Taman Nasional Kerinci mangrupa wewengkon konservasi utama spésiés ieu.[2] Diameter kembang “Rafflesia Arnoldii” (Patma Raksasa) atawa "Sekedai" ieu sabot keur mekar bisa ngahontal 1 méter kalayan beurat kira-kira 11 kilogram. Kembang miboga lima daun makuta anu ngalingkung bagian anu kasampak kawas sungut gentong. Di dasar kembang aya bagian kawas pringan berduri, ngeusi benang sari atawa putik (gumantung kembangna, jalu atawa betina). Sato penyerbuk nya éta laleur anu kabetot ku bau busuk anu dikaluarkeun kembang ieu. Kembang anu kaangseu busuk kasebut mindeng dikacaukeun atawa dicampur adukkeun kalayan ngaran “Kembang Bugang” (Amorphopalus Titanum), padahal duanana béda pisan, kembang bugang anu mindeng tumuwuh di Bogor sarta tempat séjén di Indonésia lain Rafflesia, sarta di Bengkulu disebut Kembang Kibut (Bhs Rejang).[2]

Kembang “Patma Raksasa” atawa "Sekedai" baheula umurna 10 - 15 poé tapi ayeuna ngan berumur kira-kira 5-7 poé sarta sanggeus éta layu terus paéh. Perséntase pembuahan pohara leutik, alatan kembang jalu sarta kembang betina arang bisa mekar babarengan dina poé-poé anu sarua, éta ogé lamun aya laleur anu datang minangka penyerbuk.[2]

Rafflesia henteu ngabogaan klorofil. Tumbuhan ieu hirup minangka parasit dina akar tumbuhan séjén. Rafflesia nya éta kembang pangbadagna di dunya. Gurat tengahna kira-kira saméter. Kembang ieu ngaluarkeun ambeu kawas ambeu busuk bugang. Rafflesia ngembang biak ngaliwatan penyerbukan anu dibantuan ku serangga (laleur). Ku kituna pikeun metot laleur ambéh datang, kembang ieu ngaluarkeun bau busuk.[3]

Klasifikasi[édit | sunting sumber]

Spésiés[édit | sunting sumber]

   * Rafflesia arnoldii
   * Rafflesia azlanii
   * Rafflesia baletei
   * Rafflesia banahawensis
   * Rafflesia bengkuluensis
   * Rafflesia cantleyi
   * Rafflesia gadutensis
   * Rafflesia hasseltii
   * Rafflesia keithii
   * Rafflesia kerrii
   * Rafflesia leonardi
   * Rafflesia lobata
   * Rafflesia manillana
   * Rafflesia micropylora
   * Rafflesia mira
   * Rafflesia panchoana
   * Rafflesia patma
   * Rafflesia pricei
   * Rafflesia rochussenii
   * Rafflesia schadenbergiana
   * Rafflesia speciosa
   * Rafflesia tengku-adlinii
   * Rafflesia tuan-mudae

Spésiés anu acan diverifikasi[édit | sunting sumber]

   * Rafflesia borneensis
   * Rafflesia ciliata
   * Rafflesia titan
   * Rafflesia witkampii

Galéri[édit | sunting sumber]

Rujukan[édit | sunting sumber]

  1. (id)Jurnal Multiply Abangalam(diakses tanggal 26 oktober 2011)
  2. a b c d e (id)[1](diakses tanggal 26 oktober 2011)
  3. (id)Mersi Wapka Mobi(diakses tanggal 26 oktober 2011)