Zaskia Adya Mecca

Ti Wikipédia, énsiklopédia bébas
Luncat ka: pituduh, sungsi
Zaskia Adya Mecca
Zaskia Adya Mecca.jpg

Zaskia Adya Mecca (lahir di Jakarta, tanggal 8 Séptémber 1987) nyaéta béntang sinétron sarta béntang filem Indonésia.

Karir[édit | sunting sumber]

Zaskia mitembeyan karir di dunya hiburan Indonésia waktu miluan pasanggiri pamilihan Modél Kawanku 2001 sarta ngahontal jawara II. Hal ieu ngajadikeun manéhna dipaliré ku hiji imah produksi anu nawarkeun ka manéhna sangkan jadi pamaén nu ngarojong dina sinétron Bidadari anu dibéntangan ku Marshanda.

Ngaran Zaskia ngajaul waktu dirina ngabéntangan sinétron apingan sutradara Deddy Mizwar, Kiamat Sudah Dekat. Dina sinétron kasebut, awéwé campuran Sunda-Acéh ieu ngalalakonkeun Sarah, saurang awéwé anu maké jilbab. Kitu ogé kahirupan Zaskia sapopoé anu sok maké tiung saprak taun 2005. Sajaba Kiamat Sudah Dekat, anak kadua ti tujuh sadulur ieu ogé ngabéntangan sawatara sinétron, diantarana, Cinta SMU, Habibi dan Habibah, Senandung Masa Puber, sarta Lorong Waktu.

Dina taun 2007, Zaskia ngajalanan syuting layar rubak nu judulna Kun Fayakun, hiji filem agama karya ustad Yusuf Mansyur. Filem ieu rencanana baris dipedalkeun ahir taun 2007. Dina taun anu sarua, Zaskia ogé maén dina film téma agama, Ayat-ayat Cinta, anu diangkat tina novel nu judulna sarua karangan Habiburrahman El Shirazy. Filem apingan sutradara Indonésia Hanung Bramantyo ieu dirojong ku Fedi Nuril minangka Fahri, Rianti Cartwright minangka Aisha, Zaskia Adya Mecca minangka Noura, sarta Melanie Putria minangka Nurul.

Zaskia nyaéta mahasiswi Fakultas Psikologi Universitas Paramadina Jakarta angkatan 2005. Zaskia ogé kungsi asup nominasi minangka Aktris Sinetron Wanoja Pangalusna dina Piala Vidya (FFI).

Bulan Juni 2007, Zaskia babarengan jeung artis sinétron sarta présénter Meidiana Hutomo dikontrak ku salah sahiji bank swasta di lemah cai pikeun mawakeun acara 'talk show' ngeunaan perbankan syari'ah.

Kahirupan pribadi[édit | sunting sumber]

Zaskia kungsi nyatakeun yén manéhna hayang kawin dina umur ngora nyaéta dina umur 20 taun. Tapi nepi ka kiwari can ngawujud. Saméméhna Zaskia kungsi 'ampir' ngadahup jeung Sahrul Gunawan. Sanggeus gagal jeung Sahrul, Zaskia dicaritakeun nyambungkeun hubungan jeung Tommy Kurniawan. Tapi hubungan maranéhanana lekasan. Ayeuna, Zaskia dicaritakeun keur deukeut jeung lalaki asal Turki, Alaa Muthalib.

Sinétron[édit | sunting sumber]

Filmografi[édit | sunting sumber]

Rujukan[édit | sunting sumber]

Tumbu kaluar[édit | sunting sumber]


Replace this image male.svg