És dogér
És dogér nyaéta ngaran inuman és sajenis és campur nu ilahar di wewengkon Jawa Kulon.[1] Asalna ti daérah Cirebon, nu kiwari geus sumebar ka sakuliah Jawa Kulon jeung sababaraha wewengkon séjénna kayaning Jakarta, Malang jeung Surabaya. Inuman ieu eusina peuyeum sampeu, susu, cipati, peuyeum ketan hideung jeung pacar cina.[1] Baheula mah ngaranna téh és serut nu kiwari jadi és dogér.[1] Baheula és dogér téh dijualna ku cara disuhun, tapi ku sabab kiwari geus mimiti maké gorobag, ngaranna robah jadi és dogér, singgetan tina és dorong gérobak.[1] ku sabab robah ngaranna, kitu ogé eusina ngilu robah, kiwari mah és dogér téh lain ngan saukur peuyeum, jeung pacar cina, tapi ogé ditambahan ku bahan lain kayaning alpuket atawa nangka.[1]
Cara nyieunna
[édit | édit sumber]Bahan nu diperlukeun pikeun nyieun és dogér téh di antarana kayaning, peuyeum sampeu, peuyeum ketan hideung, pacar cina, alpuket (mun resep) susu, dawegan nu geus dikurud, sirop, cipati, uyah jeung gula bodas.[2] Prak-prakan nyieun és dogér téh mimitina golakkeun cipati, tiiskeun.[2] Tuluy abuskeun bahan kayaning peuyeum sampe, peuyeum ketan hideung, dawegan, susu, jeung sirop kana gelas tuluy abuskeun és serut jeung cipati tadi. És dogér siap dipidangkeun.[2]
Rujukan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
- ↑ a b c d e Okezone. "Tahukah Anda Asal Muasal Es Doger? : Okezone Lifestyle" (dalam bahasa id-ID). https://lifestyle.okezone.com/. https://lifestyle.okezone.com/read/2012/11/29/488/725181/tahukah-anda-asal-muasal-es-doger. Diakses pada 2017-10-26
- ↑ a b c "Resep Es Doger oleh Diana Endri Rosisca". Cookpad (dalam Indonesian). Diakses tanggal 2017-10-26.