Akon

Ti Wikipédia Sunda, énsiklopédi bébas
Akon 2015

]]

Aliaune Damala Bouga Time Bongo Puru Nacka Lu Lu Lu Badara Akon Thiam atawa Aliaune Daye Thiam leuwih dipikawanoh Akon (gumelar 14 Oktober 1981; umur 42 taun) nyaéta saurang panyanyi Amérika Sarikat.[1] Akon dumuk tapi cicing di Senegal, Afrika.[1] Nalika umurna tujuh taun, Akon jeung kulawargana pindah ka Union City, New Jersey pikeun cicing di Amérika Sarikat.[1]

Karir[édit | édit sumber]

Ngaranna mimiti dipikawanoh taun 2004 sanggeus junun nagrilis single kahijina nu judulan Locked Up ti album Touble.[2] Sedengkeun album kaduana, Konvicted bisa jadi salah sahiji nominator Grammy Award ti single Smack That.[2] Akon boga label sorangan, nyaéta Konvict Muzik jeung Kon.[1] Album Akon Konvicted, dirilis tanggal 12 Desember 2006.[1] Salian ti lagu Smack That, nu mintonkeun rapper Eminem, lagu Konvicted ogé mintonkeun Snoop Dogg, Styles P, jeung T-Pain.[1]

Akon mindeng duet jeung artis séjén, ayeuna manéhna geus kacatet konser leuwih ti 300 show sarta mibanda 45 lagu Billboard Hot 100.[2] Sajaba ti éta, manéhna geus loba gawé bareng jeung artis kasohor saperti Michael Jackson, R. Kelly, Quincy Jones, Eminem jeung Whitney Houston.[2]

Akon nyaéta artis solo kahiji anu meunang peringkat kahiji jeung kadua sakaligus dina chart Billboard Hot 100 saloba dua kali, sarta geus ngahasilkeun loba hits pikeun artis saperti Lady Gaga, Colby O'Donis jeung Leona Lewis.[2] Lady Gaga jeung T-pain nyaéta dua artis sukses berkat Akon.[2] Akon ogé geus ngarilis hiji lagu anu dijudulan Beautiful di mana manéhna nyanyi jeung Colby O'Donis sarta Kardinal Offishall dina album Freedom anu dirilis taun 2008 jeung lagu Right Now (Na Na Na) dina album anu sarua.[2] Taun 2011 ieu, 13 Nopémber 2011 Akon bakal ngayakeun konserna di Indonésia, tema konserna nyaéta AKON Live in Concert 2011 tempatna di JIEXPO Kemayoran Jakarta,.[2]

Diskografi[édit | édit sumber]

1. 2004: Trouble, SRC/Universal.[1]

2. 2006: Konvicted, Konvict Muzik/UpFront/SRC/Universal Motown.[1]

3. 2008: Freedom, Konvict Muzik/Universal Motown.[1]




Rujukan[édit | édit sumber]

  1. a b c d e f g h i (en) AKON Archived 2009-01-25 di Wayback Machine (Diakses tanggal 13 November 2011)
  2. a b c d e f g h Biography (Diakses tanggal 16 November 2011)