Amir Hamzah

Ti Wikipédia, énsiklopédia bébas
Luncat ka: pituduh, sungsi
Amir Hamzah

Tengku Amir Hamzah Pangéran Indrapura atawa nu leuwih kasohor ku ngaran Amir Hamzah nya éta salasahiji sastrawan Indonesia (gumelar di Tanjung Pura, Langkat Sumatera Utara, 28 Pébruari 1911 – tilar dunya di Kuala Begumit, 20 Maret 1946 dina umur 35 taun).[1]

Mimiti ancrub kana dunya atikan ti umur 5 taun kalawan sakolana di Langkatsche School di Tanjung Pura taun 1916.[1] Sanggeus tamat ti Langkatsche School laju nuluykeun atikanana di MULO Médan.[1] Sataun tidinya pindah ka Batavia (Jakarta), nuluykeun sakola di Christelijk MULO Menjangan.[1] Tamat ti éta sakola dina taun 1927.[1] Tuluy saup ka AMS (Aglemenee Middelbare School) di Solo Jawa Tengah Jurusan Sastra Timur. [1]

Sanggeus namatkeun atikanana di Solo, Amir Hamzah mimiti neuleuman pangaresepna kana dunya sastra.[1] Ti saprak harita Amir mimiti nulis sawatara sajakna nu munggaran.[1] Éta sajak-sajakna dikumpulkeun dina antologi Buah Rindu. [1]Karya-karyana diterbitkeun dina rubrik sastra Panji Pustaka na Sutan Takdir Alisyahbana, majalah Timboel, Pudjangga Baroe, Pandji Poestaka, jeung sajabana.[1] Jumlah karya Amir Hamzah aya 50 sajak asli, 77 sajak tarjamahan, 18 prosa liris, 1 prosa liris tarjamahan, 13 prosa, jeung 1 prosa tarjamahan.[1]

Amir Hamzah balik deui ka Jakarta pikeun nuluykeun atikanana di Sekolah Hakim Tinggi awal taun 1934.[1] Bareng jeung babaturan saentraganana di Perguruan Rakyat saperti Soemanang, Soegiarti, Sutan Takdir Alisyahbana, Armijn Pane, jeung lain-lainna, Amir Hamzah nyieun hiji terbitan majalah Poedjangga Baroe. [1]

Amir Hamzah balik deui Ka Tanjungpura sanggeus lulus jadi Sarjana Muda Hukum.[2] Diangkat jadi Kepala Luhak Langkat Hilir kalawan gelar panghormat Tengku Pangeran Indraputera.[2]

Nalika Jepang ngawasa Indonésia, Amir kapilih jadi anggota Balai Bahasa Indonesia di Médan nu nyiptakeun istilah-istilah modéren.[2] Sanggeus Indonesia merdeka, Amir diangkat ku pamaréntah RI jadi Asisten Résidén daérah Langkat. [2]


Referensi[édit | édit sumber]

  1. a b c d e f g h i j k l m Biografi Amir Hamzah (Diaksés tanggal 15 Nopember 2011) (id)
  2. a b c d Amir Hamzah (Diakses tanggal 15 Nopember 2011) (id)


Replace this image male.svg