Autotrof

Ti Wikipédia, énsiklopédia bébas
Luncat ka: pituduh, paluruh
Tutuwuhan nu mangrupakeun organisme autotrof

Organisme autotrof nyaéta organisme anu bisa ngarobah bahan anorganik tuluy dirobah jadi bahan organik (dina basa séjén, bisa nyieun dahareun sorangan) jeung maké bantuan énérgi saperti énérgi cahya panonpoé jeung kimia.[1]

Jenis organisme Autotrof[édit | édit sumber]

Organisme Fotoautotrof[édit | édit sumber]

Organisme fotoautotrof nyaéta organisme nu bisa ngarobah bahan anorganik jadi bahan organik maké bantuan cahya panonpoé jeung sajinisna.[2] Conto organisme fotoautotrof nyaéta tutuwuhan héjo.[2] Tutuwuhan héjo salaku organisme autotrof nu mangrupa panghasil dahareun biasana nempatan posisi panghandapna dina dasar piramida dahareun.[2] Salaku produsen, organisme autotrof mangrupa unsur konci utama dina kalangsungan hirup sakabéh organisme.[2] Prosés nyieun dahareun maké bantuan cahya panonpoé ku tutuwuhan héjo disebut potosintésis.[2] Salian tutuwuhan héjo, aya ogé sajinis baktéri nu mangrupa organisme fotoautotrof sanajan prosésna dilakukeun sacara anaérob nu matak teu bisa ngahasilkeun oksigén.[2]

Organisme Kemoautotrof[édit | édit sumber]

Organisme Kemoautotrof nyaéta organisme nu bisa nyieun dahareun sorangan ngamangpaatkeun énergi kimiawi tina réaksi oksidasi molekul.[2] Conto Organisme Kemoautotrof nyaéta baktéri.[2] Dina prosés oksidasi molekul organik ieu ngabutuhkeun oksigén.[2] Sedengkeun sanyawa organik anu bisa dipaké dina prosés kemoautotrof antarana beusi, walirang, jeung nitrogén.[2] Baktéri Kemoautotrof dingaranan dumasar kana molekul organik nu jadi médiana, saperti baktéri walirang, baktéri beusi, baktéri nitrogén, jsb.[2]

Referensi[édit | édit sumber]

  1. (id)Pengertian Autotrof diaksés 14 Juli 2015
  2. a b c d e f g h i j k (id)Pengertian Organisme autotrof diakses 14 Juli 2015