Babakaur

Ti Wikipédia Sunda, énsiklopédi bébas

Babakaur atawa babak-haur (kelas Chilopoda) mangrupa artropoda darat peurahan nu awakna panjang sarta sapasang suku dina unggal ruas/buku awakna. Sato ieu lolobana liar peuting, hirup utamana di wewengkon nu iklimna tropis. Kawas dulur deukeutna titinggi, awakna diwangun ku 15-173 ruas. Béda ti titinggi nu awakna rada budeud (jangkung), babakaur mah depé, gerakna gancang sarta mangrupa artropoda prédator.

Hulu babakaur boga sapasang anténeu sarta sarta sungut nu 'sihungan'. Bagian hareup huluna boga sihung nu peurahan mnu dipaké boh keur ngajaga diri atawa keur ngalumpuhkeun mangsana. Aya sababaraha spésiés nu peurahna bisa bahya pikeun manusa. Babakaur nu ilahar kapanggih di paimahan (Scutigera coleoptrata) mangrupa salah sahiji spésiés karnivora nu sok ngahakan serangga kayaning cucunguk jeung invertebrata leutik lianna.

Babakaur ogé aya nu hirup di dasar guha nu dieusi ku kalong, ngarah anak kalong nu ragrag ti luhureunana.

Awak babakaur diwangun ku puluhan ruas

Rujukan[édit | édit sumber]

  • Centipede, Wikipédia édisi basa Inggris (26 Maret 2006)
  • Neil A. Campbell, Biology: Fourth Edition, (Benjamin/Cummings Publishing, New York) 1996 page 614 ISBN 0-8053-1957-3

Tumbu kaluar[édit | édit sumber]