Bandung Planning Gallery
Page Modul:Infobox/styles.css has no content.
| Bandung Planning Gallery | |
|---|---|
| Informasi umum | |
| Lokasi | Bandung, Indonesia |
| Alamat | Jalan Acéh No. 36 |
| Mimiti diwangun | 2015 |
| Diresmikeun | 1 Agustus 2017 |
| Biaya | 9 Miliar |
| Nu boga | Pamaréntah Kota Bandung |
| Detil téhnis | |
| Jumlah lantéy | 2 |
Bandung Planning Gallery nyaéta hiji wangunan anu perenahna di Jalan Acéh nomer 36, Babakanciamis, Sumurbandung, Bandung.[1][2][3] Wangunan ieu perenahna di kaléreun Balai Kota Bandung. Bandung Planning Gallery diresmikeun di tanggal 1 Agustus 2017 ku Walikota Bandung harita, Ridwan Kamil.[2][3] Asalna, gedong ieu difungsikeun jadi Gedong DPRD Kota Bandung.[2]
Bandung Planning Gallery mangrupa tempat Pamaréntah Kota Bandung pikeun midangkeun rarancang pangwangunan pamaréntah pikeun ka hareupna. Salian ti éta, di gedong ieu ogé aya modél Kota Bandung jaman baheula.[2]
Konsép
[édit | édit sumber]Konsép wangunan ieu nyaéta pikeun ngagampilkeun sakabéh jalma pikeun ngaksés naon-naon anu rék ditepikeun ku Pémkot Bandung. Salian ti program pamaréntah, BPG ogé nyadiakeun aréa kontémporér. Di aréa éta, dipidangkeun invéstor nu rék ngawangun Kota Bandung, utamana anu boga dampak pikeun kamekaran kota.[2]
Téknologi
[édit | édit sumber]Bandung Planning Gallery diwangun di lahan anu legana 1.600 méter pasagi, sarta mangrupa wangunan anu panggedéna tur pangcanggihna lamun dibandingkeun jeung wangunan kalawan konsép nu sarua di Indonésia. Aya makét nu mana urang bisa nempo posisi Kota Bandung anu aya dina legok. Di luhureun makét, aya vidéo maping, anu bisa ditempo sacara real time (saharitaeun). Di dieu ogé dipidangkeun vidéo reality, opat diménsi, nu mana urang bisa nempo Kota Bandung ka hareupna saolah-olah urang aya di dinya.[2]
Rujukan
[édit | édit sumber]- ↑ "Bandung Planning Gallery". Bandung Planning Gallery. Diakses tanggal 2019-09-01.
- ↑ a b c d e f digital, pikiran rakyat. "Bandung Planning Gallery, Wisata Edukasi Baru di Bandung". Pikiran Rakyat (dalam Indonesian). Diakses tanggal 2019-09-01.
- ↑ a b Media, Kompas Cyber. ""Planning Gallery", Media Baru Warga Bandung Sampaikan Aspirasinya". KOMPAS.com (dalam Indonesian). Diakses tanggal 2019-09-01.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |