Baranangsiang (majalah)

Baranangsiang nyaéta salah sahiji majalah basa Sunda anu medal di Bogor dina taun 1964.^[1]

Profil

Majalah Baranangsiang dipedalkeun ku Yayasan Kabudayaan Baranangsiang, mimiti medal 3 bulan sakali, saterusna jadi majalah bulanan.^[2] Panangkes ieu majalah nyaéta R.Oeton Moechtar, girang rumpakana ku M. Saleh Danasasmita, ari Dewan Redaksina nyaéta Surya Saputra (Pa Sursa), Moechtar Kala (Rakéan Minda Kalangan), M. Kurdi Djunaedi, jeung Wahyu Wibisana.^[3] Ieu majalah mangrupa majalah panglipur anu ngutamakeun ngamumulé ajen-inajen kabudayaan heubeul titinggal karuhun Sunda, ku kituna, najan sifatna panglipur tapi ari jero-jerona mah réa ngamuat hasil ulikan kabudayaan jeung lalakon-lalakon heubeul mangrupa carita pantun atawa babad,upamana lalakon tina Pantun Bogor jeung Pantun Baduy.^[3]

Pindah ka Bandung

Sabada medal tilu taun di Bogor, nincak taun ka opat, taun 1968 rédaksina dipindahkeun ka Bandung, atuh girang rumpaka katut rumpakana ogé robah, Girang rumpaka versi Bandung dicepeng ku Ir. Sukanda Kartasasmita.^[3] Ukuran format majalah Baranangsiang versi Bandung mimitina mah format ukuran buku ukuran 21,5 x 14,5 cm.^[4] Lian ti midangkeun rubrik-rubrik maneuh saperti rohangan agama, carita wayang, kawih Sunda, guguritan, jsb. ka béhdieunakeun mah ditambahan ku rubrik carita pondok katut karangan-karangan basan paelmuan, basa, sastra,katut budaya Sunda liana.^[3] Keur meujeuhna nanjung mah, oplah ieu majalah kungsi ngalaman nyitak nepi ka 10.000 eksemplar,kawilang oplah nu rongkah keur ukuran majalah jaman harita mah.^[3] Nincak taun ka-II rengrengan redaksi robah deui, Ir. Sukanda Kartasasmita henteu kalebet,diganti ku nu séjén.^[4]

Réngréngan Rédaksi

Pupuhu: Ny. E. Rochamina Sudarmika
Pangaping: R.Oeton Moechtar sareng Samsa Sasmitadimadja,SH.
Panangkes: Saleh Danasasmita
Girang Rumpaka: Drs. Yus Rusyana
Jurupair: Tjandrahajat, S.A. Hikmat, sareng Rakean Minda Kalangan
Juru Gambar: Onong Nugraha sareng Hery S
Candoli: Moh. Sidik sareng H. Hamzah.
Alamat redaksi: Jl. Buahbatu 45 Bandung sareng di Jl. Dewi Sartika 64 Bogor.
Format: majalah,ukuran 26,5 x 19 cm
Katerangan: di handapeun ngaran Baranangsiang dina jilidna maké tambahan moto Kaweruhing Rasa Kusumaning Budi.
Oplah: 15.000 eksemplr.^[4]

Rubrikasi

Pangjajap
Reportase
Artikel Seni Budaya
Elmu Pangaweruh
Carita Pondok
Carita Pondok Tarjamahan
Sajak
Juru Dapur
Dangding
Artikel Tatanen
Carita Wayang
Rohangan Wanoja
Pawayangan
Kapiasem (Pangalaman Pikalucueun)
Carita Nyambung
Carita Tareh Nabi
Rohangan Agama
Fotografi

Rujukan

↑ Kartini,Tini,spk.Biografi dan Karya Sasatrawan Sunda Masa 1945-1965.Proyek Penelitian Bahasa dan Sastra Indonésia dan Daerah Depdikbud.Bandung1978.kaca 26
↑ Rusyana, Yus,spk. Ensiklopedi Sastra Sunda. Pusat Pembinaan dan Pengembangan Bahasa Depdikbud.Jakarta 1986. Kaca 10
↑ ^a ^b ^c ^d ^e Salah ngutip: Tag <ref> tidak sah; tidak ditemukan teks untuk ref bernama ensiklopedi 1
↑ ^a ^b ^c Madjalah Basa Sunda Baranangsiang No 9 Taun ka-I/1968.kaca 2

Tingali

Majalah basa Sunda

[biografi-1] Kartini,Tini,spk.Biografi dan Karya Sasatrawan Sunda Masa 1945-1965.Proyek Penelitian Bahasa dan Sastra Indonésia dan Daerah Depdikbud.Bandung1978.kaca 26

[ensiklopedi-2] Rusyana, Yus,spk. Ensiklopedi Sastra Sunda. Pusat Pembinaan dan Pengembangan Bahasa Depdikbud.Jakarta 1986. Kaca 10

[ensiklopedi_1-3] Salah ngutip: Tag <ref> tidak sah; tidak ditemukan teks untuk ref bernama ensiklopedi 1

[majalah-4] Madjalah Basa Sunda Baranangsiang No 9 Taun ka-I/1968.kaca 2

[1]

[2]

[3]

[4]