Yus Rusyana

Ti Wikipédia, énsiklopédia bébas
Luncat ka: pituduh, sungsi

Yus Rusyana nya éta salah saurang sastrawan jeung Guru Besar di Jurusan Pendidikan Bahasa Indonesia Universitas Pendidikan Indonesia atawa UPI, Bandung.[1] Lahir di Pameungpeuk (Garut Kidul) dina tanggal 24 Maret 1938.[2]. Mimiti sakola formal di Sakola Rahayat Nagari Pameungpeuk (1946-1952). Kiwari, anjeunna dumuk di kompleks Suaka Éndah, Jalan Gajah I no.19/21 bareng jeung garwana, Ami Raksanagara . [1] Salian ti jadi guru besar, Yus ogé jadi panalungtik basa jeung sastra di UPI Bandung. Anjeunna kawilang sastrawan nu produktif pisan, karya-karyana aya nu dina wangun sajak, carpon, jeung esai boh dina basa Sunda boh dina basa Indonesia.[2]

Riwayat Atikan[édit | édit sumber]

Sanggeus lulus ti SGBN 1 Garut dina taun (1952-1955), kalayan modal nekat Yus nuluykeun ka SGAN 1 Bandung (1955-1958). Minat nulisna tumuwuh alatan ngokolakeun majalah dinding di sakola babarengan jeung babaturanna anu saterusna ogé jadi sasterawan Sunda, kawas Iskandarwassid sarta Mien Resmana.[2] Sabada tamat SGA Yus jadi guru honorer di salah sahiji sakola. Sanggeus sawatara lila manéhna nuluykeun kuliahna di FKSS IKIP Bandung Jurusan Pendidikan Basa jeung Sastra Sunda dina taun (1958-1964).[2] Yus nuluykeun S2 di IKIP Bandung Jurusan Bahasa dan Sastra Indonesia, tuluy meunang gelar doktor di Universitas Indonesia.[2]

Karya-Karyana[édit | édit sumber]

Basa jadi mahasiswa Yus mimiti ngamekarkeun kaparigelan nulisna, utamana dina widang sajak Sunda. Ti saprak harita karya-karyana loba nu dimuat dina Sipatahoenan.[2] Salian ti éta, manéhna ogé aktip dina kagiatan kasenian di kampus, saperti nyieun Liga Drama anu loba mintonkeun sababaraha karyana, diantarana "Cahya Maratan Waja" (1964); "Hutbah Munggaran di Pajajaran" (1965); "Di Karaton Najasii (1966) jeung sajabana.[2]

Karya-karyana nu lain nya éta :

  • Rekening (drama, 1967)
  • Tukang Polka (drama, 1968)
  • Di Luhureun Jukut Reumis (1965)
  • Jajaten Ninggang Papasten (kumpulan carpon1988)
  • Nu mahal Ti Batan Inten (kumpulan puisi, 1980)
  • Buana Nu Pinuh Ku Mega (kumpulan puisi, 1992)
  • Guguritan Munggah Haji (kumpulan puisi, 1995)

Yus Rusyana dilélér hadiah Sastera Rancagé (1989) pikeun bukuna Jajaten Ninggang Papasten. [1]

Rujukan[édit | édit sumber]

  1. a b c (id)Rosidi,ajip. Apa Siapa Orang Sunda.PT Kiblat. Bandung 2003.
  2. a b c d e f g (id)sastrawan sunda (diaksés tanggal 15 Oktober 2011)
Old book bindings.jpg
Daptar Sastrawan Sunda
Aam AmiliaAan Merdéka PermanaAbdullah MustappaAcép Zamzam NoorAchdiat Karta MihardjaAdang SAjip RosidiAhmad BakriAkub SumarnaApip MustapaApung Supena WiratmajaArthur S. NalanAyatrohaédiBéni SetiaBudi Rahayu TamsyahCécép BurdansyahDadan SutisnaDarpanDédén Abdul AzizDédy WindyagiriDodong DjiwapradjaDuduh DurahmanDyah PadminiEddy D. IskandarElin SyamsuriÉtti R.S.Godi SuwarnaHadi AKSHasan Wahyu AtmakusumahHawé SetiawanHérmawan AksanHidayat SuryalagaHolisoh M.EIskandarwassidJeihanJuniarso RidwanKarna YudibrataKarno KartadibrataKi UmbaraKis WSM.A. SalmunMéméd SastrahadiprawiraMoch. AmbriNanéng DaningsihNingrum DjulaéhaNano. SNazarudin AzharPopon SaadahRahmat M.A.SRahmatullah Ading Affandie (RAF)Ramadhan K.HRustandi KartakusumaSaéful BadarSaini K.M.Sajudin NatadisastraS.M. ArdanSoni Farid MaulanaSunarya P.K.Tatang SumarsonoTaufik FaturohmanTéddi MuhtadinTini KartiniUsép RomliUs TiarsaWahyu WibisanaYayat HéndayanaYooke TjuparmahYoséph IskandarYuhanaYus RusamsiYus Rusyana