Dodong Djiwapradja

Dodong Djiwapradja nyaéta salah sahiji panyajak di tatar Sunda. Lahir di Banyuresmi, Garut, Jawa Barat, tanggal 25 September 1928 tilar dunya 23 Juli 2009.

Riwayat Atikan

Ti SD taun 1916 nepi ka SMA tahun 1951, sakola di Bandung.

Taun 1951—1952 kuliah di Fakultas Sastra, Universitas Indonesia, tapina teu nepi ka tutas menangkeun sarjana.

Nuluykeun nyiar élmu ka Akademi Hukum Militer lulus taun 1960 jeung Perguruan Tinggi Hukum Militer nepi ka menangkeun gelar sarjana hukum taun 1963.

Lalampahan Karir

Saprak ngamimitian nyiar elmu di paguron luhur nepi ka tutasna menangkeun gelar sarjana, Dodong remen nalungtik widang kasusastraan sarta kabudayaan, hususna kasusastraan jeung kabudayaan Sunda anu pernahna diayakeun ku Proyék Sundanologi. Manéhna ogé kungsi ilubiung dina nyusun Ensiklopedi Kabudayaan Sunda nu dikokolakeun ku Ajip Rosidi. Kungsi ogé digawé di penerbit Pustaka Rakyat nu dipingpin ku Sutan Takdir Alisjahbana taun1949, mancén jadi redaktur majalah Angkasa taun 1950, ogé jadi perwira hukum di Lanuma Husein Sastranegara, Bandung nepi ka pangsiunna taun 1976. Ngan saacan pangsiun, manéhna digawé salaku guru SMA IPI Jakarta taun 1953—1958, anggota Komisi Istilah Seksi Penerbangan taun 1951—1960, anggota pengurus pleno BMKN taun 1960, ogé dosen luar biasa Estetika di Fakultas Sastra, Universitas Indonesia, taun 1962—1964. Panungtung, satutasna pangsiun, digawé salaku dosen luar biasa di Fakultas Sastra, Universitas Padjadjaran, Bandung taun 1979—1985.

Artikel ngeunaan sastra ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.