Syarif Amin
Syarif Amin atawa Moehammad Koerdie katelahna Pa Kurdi nyaéta salah sahiji pangarang Sunda (Ciamis, 7 Séptémber 1907-Bandung 1991).[1] Manéhna kaasup tokoh perintis pérs Indonésia.[1] Mimiti ancrub kana kagiatan jurnalistik taun 1929, jadi wartawan surat kabar basa Sunda Sipatahoenan.[1] Taun 1938, kaselir jadi pamingpin rédaksina, di sagigireun jadi pananggung jawab rédaktur mingguan Bidjaksana.[1] Dina jaman Jepang, milu jadi réngréngan rédaktur koran Tjahaya.[1]
Dina jaman sanggeus merdéka, kungsi medalkeun surat kabar Soeara Merdéka jeung Indonésia, tapi ahirna balik deui nyekel Sipatahoenan tepi ka awal taun 1970-an.[1] Sanggeus lésot ti Sipatahoenan, manéhna jadi diréktur PT Balé Bandung jeung rédaktur majalah Prima.[1]
Dumasar kana jasa-jasana dina ngabeungharan sastra Sunda, dina taun 1990 Pa Kurdi dilélér Hadiah Rancagé pikeun jasa-jasana.[1]
Karya-karyana
[édit | édit sumber]- Di Lembur Kuring
- Saumur Jagong
- Keur Kuring di Bandung
- Kembang Patapan
- Asal-usul Logojo Paris
- Rajapati
- Babu Kajajadén
- Nyi Haji Saonah
- Manéhna [1]
Rujukan
[édit | édit sumber]
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |