Darpan

Ti Wikipédia Sunda, énsiklopédi bébas
Loncat ke navigasi Loncat ke pencarian
Darpan (tengah) jeung dua sobatna nalika lalampahan ka Baduy, taun 2009

Darpan, sakapeung sok maké sandiasma Darpan Ariawinangun, lahir 4 Méi 1970 di Sungaiula, Cibuaya, Karawang beulah kalér.[1] Digedékeun dina budaya masarakat gado-gado: Sunda, Jawa, Batawi, Tionghoa.[1] Salulusna ti SPGN Karawang, nuluykeun kuliah ka Jurusan Pendidikan Basa jeung Sastra Sunda, IKIP Bandung, taun 1989.[1] Taun 1990 carita pondok jeung sajakna mimiti dipiblikasikeun dina Galura jeung Manglé.[1] Sababaraha kali dilélér hadiah sastra LBSS pikeun carpon jeung sajak: 1992, 1994, 1996, 1997, 1998.[1] Ogé kungsi kasinugrahan Hadiah Sastra DK Ardiwinata ti Paguyuban Pasundan keur widang carpon jeung drama (1993, 1994, 1995, 1996).[1] Salian ti éta, tilu kali meunang hadiah carpon bulanan Majalah Manglé antara taun 1995-1996.[1] Bukuna nu geus terbit Goong Siluman (carita barudak, 1993) jeung Basa Sunda Urang (Pangajaran Basa Sunda pikeun SLTP, 1995).[1] Lian ti jadi pangarang, ogé neuleuman jurnalistik.[1] Kungsi jadi koréspondén Galura, Manglé, Sinar Pagi (Bakrie Group), DeTak, jeung rédaktur tabloid Deru.[1]

Beunang disebutkeun Darpan meunang panghargaan lantaran teu sopan.[2] Lenyepan baé kaputusan dewan juri anu ngalélér Hadiah Sastra Rancagé kana kumpulan carpon Nu Harayang Dihargaan, taun 1998.[2] Disebutkeun yén carpon-carpon Darpan nuduhkeun ciri mandiri dina basana, anu teu sajalan jeung kabiasaan masarakat sopan.[2] Tangtu lain hartina Darpan teu nyaho di sopan santun.[2] Ngan baé cara cumarita bapa ti dua anak ieu téh, mémang teu jiga urang Priangan.[2] Pikeun Darpan, nulis carpon téh salah sahiji jalan pikeun ngeuyeuban warna lokal dina sastra Sunda.[2] Samalah inyana kungsi nyusun kandaga kecap Sunda nu aya di lemburna.[2] Darpan kungsi diogan ka TMII, maca carpon Sunda dina raraga Temu Sastera Daerah taun 2000.[2]

Référénsi[édit | édit sumber]

  1. a b c d e f g h i j Ariawinangun, Darpan. 1998. Nu Harayang Dihargaan. Bandung: Rahmat Cijulang.
  2. a b c d e f g h Rosidi, Ajip. 2003. Apa Siapa Orang Sunda. Bandung: Kiblat Buku Utama.


Nulis.jpg



Daptar Sastrawan Sunda
Aam AmiliaAan Merdéka PermanaAbdullah MustappaAcép Zamzam NoorAchdiat Karta MihardjaAdang SAjip RosidiAhmad BakriAkub SumarnaApip MustapaApung Supena WiratmajaArthur S. NalanAyatrohaédiBéni SetiaBudi Rahayu TamsyahCécép BurdansyahDadan SutisnaDarpanDédén Abdul AzizDédy WindyagiriDodong DjiwapradjaDuduh DurahmanDyah PadminiEddy D. IskandarElin SyamsuriÉtti R.S.Godi SuwarnaHadi AKSHasan Wahyu AtmakusumahHawé SetiawanHérmawan AksanHidayat SuryalagaHolisoh M.EIskandarwassidJeihanJuniarso RidwanKarna YudibrataKarno KartadibrataKi UmbaraKis WSM.A. SalmunMéméd SastrahadiprawiraMoch. AmbriNanéng DaningsihNingrum DjulaéhaNano. SNazarudin AzharPopon SaadahRahmat M.A.SRahmatullah Ading Affandie (RAF)Ramadhan K.HRustandi KartakusumaSaéful BadarSaini K.M.Sajudin NatadisastraSamsoediS.M. ArdanSoni Farid MaulanaSunarya P.K.Syarif AminTatang SumarsonoTaufik FaturohmanTéddi MuhtadinTini KartiniUsép RomliUs TiarsaWahyu WibisanaYayat HéndayanaYooke TjuparmahYoséph IskandarYuhanaYus RusamsiYus Rusyana