Basisir Santolo
Basisir Santolo mangrupa salah sahiji basisir atawa pantai nu kasohor di kabupatén Garut .[1] Perenahna di kacamatan Cikelét, beulah kidul ti pusat kota Garut, jarakna kurang leuwih 3,5 jam lalampahan sabudeureun 88 km.[1] Kawasan Pantai Santolo mangrupa tempat kumpulna para pamayang.[1] Jeung jadi tempat pangeureunan (palabuan) pikeun parahu di wilayah Pameungpeuk.[1] Lian ti éta pantai Santolo sok dipaké jadi tempat upacara anu aya patalina jeung laut saperti tasakuran pamayang jeung hajat laut pakidulan.[2] Basisir atawa pantai Santolo cukup lega, jenis keusikna nyaéta keusik bodas tur lembut.
Pulo Santolo
[édit | édit sumber]Di daérah basisir ieu aya pulo leutik anu ngaranna pulo Santolo. Saméméh urang ka pulo santolo kudu naék heula parahu meuntasan muhara leutik anu misahkeun pulo jeung daratan. Satepina di pulo Santolo bakal kasampak lawang cai jaman Walanda. Pantai Santolo wangunna jiga teluk. Ka unikanna nyaéta pantai beulah kidul leuwih luhur dibandingkeun pantai beulah wétan, balukarna bentukna saperti curugan.[3] Aya tradisi di pantai Santolo nyaéta néangan lauk héjo tonggong.[2] Ngala lauk ieu teu sagawayah ku sabab lauk ieu ayana nalika usum halodo. Lauk héjo tarogong mangrupa salah sahiji jinis lauk anu leutik anu ukurana kurang leuwih sagedé curuk budak gedé.[2]
Lokasi
[édit | édit sumber]Pantai Santolo asup ka wilayah kacamatan Cikelét, tapi leuwih deukeut ka pusat kota kacamatan Pameungpeuk. Ti puseur kota Garut jarakna kurang leuwih 88 km. Transportasi ka Pantai Santolo bisa ngagunakeun angkutan umum élf ti puseur kota Garut atawa ti Bandung. Jalan ka Pantai Santolo geus mulus dihotmix, tapi diselang-selang ku kaayaan jalan anu masih kéneh ruksak di minangkaan tempat.
Aksés Lokasi
[édit | édit sumber]Kanggo ka pantai Santolo, tiasa ngagunakan sababaraha jalur nyaéta ;
- Jalan Garut - Cikajang - Pameungpeuk - Santolo .
- Jalan Bandung - Pangaléngan - Rancabuaya - Santolo .
- Jalan Cianjur - Cidaun - Rancabuaya - Santolo
Fasilitas
[édit | édit sumber]Pantai Santolo mangrupa objék wisata anu tos kasohor. Di daérah pantai Santolo tos aya panginepan, losmén, sareng hotél kanggo pengunjung. Fasilitas lianna saperti masjid, rumah makan, toilét umum, sareng tempat parkir ogé tos aya.
Référénsi
[édit | édit sumber]Catetan
[édit | édit sumber]- ↑ a b c d Pantai Santolo Archived 2011-11-03 di Wayback Machine (Dicutat tanggal 31 Iktober 2011)
- ↑ a b c [Rostiyati, Ani dkk.(2004).Potensi Wisata Di Daerah Pameungpeuk Kabupaten Garut.Bandung: Kementrian Kebudayaan dan Pariwisata Balai Kajian Sejarah dan Nilai Tradisional Bandung Proyek Pemanfaatan Kebudayaan Daerah Jawa Barat.) (kaca 41)
- ↑ POTENSI WISATA GARUT (Dicutat tanggal 31 Oktober 2011)