Batu Hiu

Ti Wikipédia Sunda, énsiklopédi bébas
Loncat ke navigasi Loncat ke pencarian
Basisir Batu Hiu

Batu Hiu nyaéta salah sahiji basisir anu aya di Parigi, Kabupatén Pangandaran anu miboga lamping anu terjal jeung pamandangan ka arah samudra Hindia[1]. Batu hiu jarakna kurang leuwih 14 km ti Pangandaran ka beulah wétan salaku objék wisata pilihan anu aya di Désa Ciliang, kacamatan Parigi, anu miboga pamandangan anu éndah[1]. Pantai ieu dingaranan Batu Hiu ku sabab aya batu anu katingali di ieu laut anu siga sirip lauk Hiu[1]. Di ieu pantai, aya pasir leutik pikeun ningali pamandangan pantai anu éndah kaasup batu anu jiga lauk hiu téa[1]. Batu anu mangrupa jiga hiu kurang leuwih 200 méter ti sisi basisir, ku sabab kitu ieu tempat disebut batu hiu[1]. Ceunah dongéngna di tempat ieu osok dijadikeun tempat jarah anu serin didatangan ku sing saha jalma anu hayang jadi sindén atawa nayaga anu dipikawanoh ku loba jalma anu dimimitian ku carita rakyat anu dimimitian ku carita rakyat Sembah Genter Oder, Sembah Galuh Oder jeung Sembah Galunggung Konéng[2]. Sembah Galunggung Konéng dipénta bantuan ngala lauk pikeun dahar babarengan leuwih ti 60 pasukan lawuh. Tapi saméméh hasil laukna diasakan, Sembah Galuh Oder nanyakeun ngaran lauk anu dimeunangkeun ku Sembah Galunggung Konéng.Tapi, kulit laukna heuras tan sisitan anu warnana kahideung-hideungan barobah jadi batu nalika Sembah Galunggung Konéng ngajawab Lauk Hiu. Ti harita masarakat nyebut éta pantai jadi Batu Hiu[2]. Pikeun anjog ka Batu hiu, bisa ti arah pangandaran anu jarakna 15 km ka beulah kulon arah Cijulang, atawa motong jalan ti Banjar langsung ka beulah kalér ka kota Parigi, aya beus Banjar - Parigi, atawa Ciamis - Parigi[2].

Harga Tikét[3][édit | édit sumber]

a. Anu leumpang saurangna 2.500,-
b. Anu naék Motor Rp. 5.900,-
c. Anu maké kandaraan Jeep/Sedan Rp. 14.200,-
d. Anu maké kandaraan Carry Rp. 27.200,-
e. Anu maké kandaraan Penumpang Besar Rp. 40.200,-
f. Anu maké beus leutik Rp. 52.700,-
g. Anu maké beus sedeng Rp. 79.500,-
h. Anu maké beus gedé Rp.130.500,-

Rujukan[édit | édit sumber]

  1. a b c d e CITUMANG PANGANDARAN & BATU HIU(diakses 1 Desember 2011)
  2. a b c Pantai Batuhiu Ciamis(diakses 1 Desember 2011)
  3. Pantai Batu Hiu(diakses 1 Desember 2011)
Nulis.jpg