Beton

Ti Wikipédia, énsiklopédia bébas basa Sunda
Luncat ka: pituduh, sungsi
Concrete placement.jpg

Beton nyaéta salah sahiji jenis bahan wangunan (kontruksi) sarupaning batu anu boga sipatna awét sarta kuat.[1] Beton diwangun ti campuran keusik sarta bahan agregat (batu kerikil nu diaméterna 2-3,5 cm) anu ditalian jeung semén sarta cai.[1] Bahan agregat geus dipaké saprak 2000 taun ka tukang, contona minangka bahan wangunan dina peradaban Mesir Kuna, Yunani Kuna, sarta Romawi Kuna.[1] Tapi dina mangsa éta, beungkeutan pikeun agregat beton masih ngagunakeun bahan-bahan anu basajan, antara séjén campuran kapur sarta cai atawa campuran taneuh liat sarta gips.[1] Dina proses pembuatan beton, keusik, semén, sarta cai dicampur kalayan bahan-bahan nu tangtu.[1] Dina tahap saterusna adonan kasebut diaduk ditambah kalayan agregat, diaduk deui nepi ka rata sarta dicicingkeun kana citakan anu nyieun hiji kontruksi.[1] Ayeuna modél beton anu dimekarkeun nyaéta Portland Cemen (PC) anu kapanggih ku Joseph Aspdin ahli kontruksi asal Inggris, dina 1842.[1] Modél pangwangunan kasebut dipikawanoh minangka semén.[1] Joseph Aspdin nyiptakeun semén jieunan kahiji anu bener ku cara ngabeuleum batu kapur sarta taneuh liat sacara babarengan.[2] Prosés ngabeuleumna téh robah sipat-sipat kimiana sarta Joseph Aspdin nyiptakeun semén leuwih kuat batan ngagunakeun kapur nu diancurkeun.[2]

Beton Bertulang[édit | sunting sumber]

Pikeun nambahan kakuatanana, struktur beton ogé dirojong ku bahan penguat séjén, contona waja.[1] Bahan penguat ieu mindeng disebut waja tulangan.[1] Waja ieu baris ngahiji kalayan beton anu geus garing.[1] Alatan mangpaatna sarua kawas tulang dina awak manusa.[1] Mangka modél ieu dingaranan beton bertulang.[1] Sistem beton bertulang kapanggih ku Joseph Morier (1823-1906) dina 1849 sarta dipaténkeun dina 1867.[1] Kontruksi beton bertulang dimimitian ti prosés nyiapkeun citakan beton luyu jeung rarancang sarta nyieun adonan beton dina tempat anu kapisah.[1] Dina citakan beton kasebut waja tulangan disusun nurutkeun pola nu tangtu, luyu jeung kontruksi.[1] Adonan beton saterusna dicicikeun kana citakan sarta diingkeun nepi ka jadi garing.[1] Waktu anu diperlukeun beton jadi garing sarta teuas nyaéta kira-kira 28 poé.[1] Sanggeus éta, citakan beton bisa dibuka.[1]

Rujukan[édit | sunting sumber]

  1. a b c d e f g h i j k l m n o p q r s (id) Syukur, Abdul. dkk. 2005. Ensiklopedia Umum untuk Pelajar. PT Ichtiar Baru Van Hoeve
  2. a b (en) [nventors.about.com/library/inventors/blconcrete.htm] (Dicutat tanggal 25 Oktober 2011)
Nulis.jpg