Bobotoleun

Ti Wikipédia Sunda, énsiklopédi bébas
Bobotoleun
Suku jalmi anu kaserang ku bobotoleun.

Bobotoleun nyaéta penyakit kulit anu biasana nyayang di palebah dampal suku.[1] Ieu penyakit disababkeun ku virus papiloma manusa.[1] Ieu panyakit bobotoleun ilaharna mah tumuwuh dina kulit luar suku, keuneung, ramo-ramo suku, dampal suku jeung ramo leungeun.[1] Mimiti nu karasana nyaéta ditandaan ku ngandelan sarta ngaheurasan di kulit palebah bobotoleunna.[1]

Nu jadi lantaran ieu panyakit bobotoleun di antarana nyaéta tekenan sapatu nu sereg teuing, cara leumpang nu teu merenah, atawa kagasrok-gasrok kana hiji banda kalawan teterusan.[1] Kulit ngabagegell heuras dina dampal leungeun atawa suku, nu sakapeung mah karasa nyeri ngajeletit asa dicocog.[1]

Anu kasawat diabétés nu geus keuna gangguan saraf tungtung suku, biasana mah bobotoleun téh teu karasa nanaon pisan.[2] Ieu kacida bahayana, lantaran bisa teu kawénéhan yén bagéan kulit téh aya nu tatu, nu bisa ngabalkukarkeun masalah nu serius pikeun nu kasawat diabétés mellitus.[2]

Mun hayang miceun bobotoleun mah, bisa maké ubar basajan sarta tradisional kayaning getah tangkal kamboja, buah gedang mengkel, atawa getah gedang mengkel. Aya ogénu maké batu kambang pikeun ngipiskeun bagéan kulit nu ngabagegelna sarta maké godogan pangpung tangkal susuru.[1]

Rujukan[édit | édit sumber]