Lompat ke isi

Cicuta

Nambah tutumbu
Ti Wikipédia Sunda, énsiklopédi bébas


Cicuta
Klasifikasi ilmiah
Karajaan:
Plantae
Divisi:
Magnoliophyta
Kelas:
Arachnida
Ordo:
Apiales
Kulawarga:
Apiaceae
Subfamili:
Apioideae
Génus:
Cicuta
Spésiés:
Cicuta douglasii

Cicuta nyaéta salah sahiji tutuwuhan anu ngandung racun, sok disebut ogé water hemlock. Cicuta téh mangrupa family afiaceae, genus tina opat spésiés tutuwuhan anu ngandung racun.[1][2] Tuwuhan ieu sok dilandi daun piterseli racun, bubur sétan atawa berang-berang racun.[3] Cicuta jadi kawentar sabada maotna Socratés.[4] Wangun tutuwuhanna jiga payung, kembangna laleutik warna bodas. Racunna warna coklat nyangkrung dina sela-sela dahan, sarta racuna kacida bahayana. Dina unggal bagian tutuwuhan ieu ngandung alkaloid coniine salaku nu ngahasilkeun racun.[4] Saupama Cicuta dipotongkeun, racunna bakal kaluar, ieu tuwuhan téh jangkungna kira-kira 0,5-1.0 m.[5] Cicuta biasana jaradi di tempat anu taneuhna baseuh, biasana di tempat-tempat anu loba jaradi jukut, sisi walungan upamana. Cicuta jaradi dina mangsa pindahna usum tiris ka panas (musim semi), kira-kira dina bulan Juni atawa Juli. Cicuta loba kapanggih di sapanjang walungan anu aya di Eropa jeung Amerika Utara.[6] Utamana di padataran anu pinuh ku jujukutan baseuh di sapanjang streambanks jeung daaerah baseuh séjéna anu aya rawaan.[2] Cicuta kawentar tutuwuhan paling bahaya, bisa nimbulkeun pati, sabab racun cicutoxin na nu museur dina akar.[7][8]Unggal bagian tina tutuwuhan ieu ngandung tremetol abadi, nyaéta hiji alkohol teu jenuh.[9] Saupama racun éta kadahar, bakal nimbulkeun kejang, utah, nyeri beuteung, amnésia, ngadégdég sarta teu saeutik bakal nimbulkeun pati.[10] [11]Cicuta kaasup kana tutuwuhan nu langgeng, jangkungna kira-kira 3 nepi ka 7 kaki.[2] Daunna ngabogaan diameter 15 inci, pilihgenti sarta pinnately-compound jeung selebaran ovate ukuran 2 nepi ka 5 inci.[2] Artéri daun eureun dina dasar serase daun anu henteu di tungtung, kembang ieu warnana bodas ngabogaan lima kelopak jeung lima benang sari sarta jadi dina payung saperti kluster dua nepi ka dalapan inci.[2] Kembangna aya ogé anu warna semu héjo bentukna siga payung.[12][13] Cicuta sok disebut kembang liar gedé di kulawarga wortel, water hemlock na mirip jeung rénda ratu Anne jeung sakapeung sok dikacowkeun ku parsnips atawa salédri nu bisa didahar.[14] Ieu tutuwuhan téh mémang tutuwuhan hérbal abadi, anu mamuh tumuwuh nepi ka 2, 5 méter atawa 8, 2 kaki.[15]

Dahan

[édit | édit sumber]
Dahan-dahan Cicuta

Dahan Cicuta ngabogaan ciri dahan nu naék, kira-kira nepi ka 2 métér, glabrous, glaucous, sarta ngabogaan rongga, warnana héjo semu bungur kalayan ngabogaan cabang-cabang.[16]

Daun

[édit | édit sumber]

Daun Cicuta sakapeung sok gundul, daun bagian handap bentukna rada panjang siga péso, atawa ovate segi tilu, 2-3 x senyawa majemuk.[16] Daun luhur leuwih pendék, kira-kira 1-2 x majemuk, sarta rada seukeut. Panjang daun kira-kira 12 cm, léncop dina tungtungna, sisi-sisina sareukeut, (bergerigi).[16]

Kembang

[édit | édit sumber]
Kembang Cicuta
Anatomi Cicuta

Dina kembang, loba umbellet dina unggal gagangna, panjangna kira-kira 2-10 mm, aya 5 kelopak, warnana bodas, abovate, margin deflex, lebarna kira-kira 1,3 mm, panjang 1,1 mm, apiculate jeung inlexed di apex.[16] Benang sarina aya lima, piligenti jeung kelopak. Filamenna warna bodas, panjangna kira-kira 1,2 mm.[16] Anthersna semu bodas, panjangna kira-kira 0,2 mm. Ovarium inferior, 2-lokular, glabrous, gaya 2 panjang 0, 1 mm.[16]

Buah

[édit | édit sumber]

Cicuta mangrupa tutuwuhan nu gabogaan buah laleutik, anu masing-masing aya 2 siki warna coklat. DI luarna ngabogaan 5 sisi anu lega rada manjang jeung sisi jerona pahareup-hareup, sarta ngabogaan warna anu leuwih caang kalayan garis lébar ditengah-tengahna. Réproduksi tuwuhan ieu ogé ayana dina éta buah atawa siki.[17]

Kandungan Racun & Éfék Sampingna

[édit | édit sumber]

Cai anu aya dina hemlock dianggap jadi salah sahiji cai tutuwuhan anu ngandung racun di Amérika Utara, sarta kacida ngabahayakeun ka manusa jeung sato nu ngadaharna. Balukar tina racun ieu téh biasana utah jeung sarebel sarta bisa ngabalukarkeun éfék stimulasi kana sistem saraf pusat malah nepi ka kejang.[18] Gejala karacunan ieu dicirian ku sarebel, Utah, nyeri beuteung jeung ngadédég. Sanggeus kadahar kurang leuwih 15 menit, bakal karasa kejang, linglung, leuleus, lieur jeung tunduh.[19] Karacunan Cicuta téh teu saeutik ngabalukarkeun pati, biasana saupama kajadian gagal penapasan atawa fibriliasi ventrikel sekundér akibat tina kejang tadi, bisa kajadian sanggerus sababaraha jam sabada kadaharna éta racun.[18] jalma anu karacunan cicuta bisa euruen kejang sabada 24 nepi ka 48 jam, sanajan kitu aya ogéanu kejang nepi ka 96 jam. Karacunan cicuta téh aya épék jangka panjangna, di antarana amnésia, retrograde tina kajadian intoksikasi jeung intoksikasi éta sorangan.[20] Épék ringan tina karacunan cicuta di antarana teu tenang, lemah otot, kekedutan, jeung rasa reuwas. Gejala tuntasna mah bisa lumangsung dina waktu sababaraha bulan sanggeus karacunan.[18]

Cara Ngungkulan Karacanan Cicuta

[édit | édit sumber]

Cara ngobatan anu karacunan cicuta nyaéta ngawengu ngagunakeun arang aktip pikeun ngurangan nyerepna gastrointestinal jeung perawatan suportif kaasup obat antikonvulsan upamana benzodiazepine. Biasana ngagunakeun obat antikonvulsan dosis luhur pikeun ngeureunkeun kejang. Leuwih jauhna, dirawat sacara médis kaasup intubasi jeung ventilasi mekanis.[18]

Rujukan

[édit | édit sumber]
  1. ↑ "Water hemlock | plant". Encyclopedia Britannica. Diakses tanggal 2019-12-25. 
  2. ↑ a b c d e admin. "Tumbuhan Beracun Cicuta | TUMBUHAN BERKHASIAT" (dalam id-ID). Diakses tanggal 2020-01-20.  Archived 2020-08-14 di Wayback Machine
  3. ↑ M.Si, Maya Sari. "14 Tumbuhan Beracun Paling Mematikan". DosenBiologi.com (dalam Indonesian). Diakses tanggal 2020-01-20. 
  4. ↑ a b "14 Tumbuhan Beracun Paling Mematikan". DosenBiologi.com (dalam id-ID). Diakses tanggal 2020-02-25. 
  5. ↑ "Water hemlock (Cicuta douglasii) : USDA ARS". www.ars.usda.gov. Diakses tanggal 2019-12-25. 
  6. ↑ Media, Kompas Cyber. "9 Tanaman Paling Berbahaya di Dunia, Beberapa ada di Indonesia Halaman all". KOMPAS.com (dalam Indonesian). Diakses tanggal 2020-01-20. 
  7. ↑ Times, I. D. N.; Zakiah, Nena. "Hati-hati, 7 Tanaman Paling Mematikan di Dunia Ini Harus Kamu Hindari!". IDN Times (dalam Indonesian). Diakses tanggal 2020-01-20. 
  8. ↑ Indonesia, Trubus Digital. "Hati-hati, Ini 7 Tanaman Paling Berbahaya di Dunia". Trubus.id (dalam Indonesian). Diakses tanggal 2020-01-20. [tumbu nonaktif]
  9. ↑ Jitunews.com. "10 Tanaman Bunga Paling Berbahaya Di Dunia". Jitunews.com (dalam Indonesian). Diakses tanggal 2020-01-20.  Archived 2024-01-02 di Wayback Machine
  10. ↑ "10 Tanaman Paling Mematikan di Bumi". Mongabay Environmental News (dalam en-US). Diakses tanggal 2019-12-25. 
  11. ↑ "5 Tanaman Paling Beracun". detikHealth (dalam Indonesian). Diakses tanggal 2020-01-20. 
  12. ↑ Admin. "5 Tanaman Beracun, Penjelasan Dan Fotonya". Jagad.id (dalam en-US). Diakses tanggal 2020-01-20. 
  13. ↑ "Perhatian Buat Para Pendaki Gunung, Ini 9 Tanaman Paling Berbahaya di Dunia, Ada Juga yang Tumbuh di Indonesia - Semua Halaman - Intisari". intisari.grid.id (dalam Indonesian). Diakses tanggal 2020-01-20. 
  14. ↑ "Terlihat Tidak Berbahaya, 7 Tanaman Ini Menyimpan Racun Paling Mematikan Di Dunia". reinha.com (dalam en-US). Diakses tanggal 2020-01-20. 
  15. ↑ Admin. "5 Tanaman Beracun, Penjelasan Dan Fotonya". Jagad.id (dalam en-US). Diakses tanggal 2020-02-25. 
  16. ↑ a b c d e f "Cicuta maculata page". www.missouriplants.com. Diakses tanggal 2020-01-20.  Archived 2020-02-24 di Wayback Machine
  17. ↑ "Apa itu cycuta? itu adalah tanaman beracun yang berbahaya. cycuta: foto, deskripsi - Alam - 2020". Public welfare (dalam Indonesian). Diakses tanggal 2020-02-25. [tumbu nonaktif]
  18. ↑ a b c d "https://www.earth.com/earthpedia/plant/id/cicuta". Earth.com. Diakses tanggal 2020-02-25.  Archived 2020-02-25 di Wayback Machine
  19. ↑ "https://www.earth.com/earthpedia/plant/id/cicuta-douglasii". Earth.com. Diakses tanggal 2020-02-25.  Archived 2020-02-25 di Wayback Machine
  20. ↑ "5 Tumbuhan Beracun Yang Sangat Berbahaya". Dirgantara Online. Diakses tanggal 2020-02-25. 
Dicomot ti "https://su.wikipedia.org/w/index.php?title=Cicuta&oldid=672974"